اخوي ابو مايكل انت قسيت وبقوه على الاعبين

لنكن اكثر واقعيه الاعبين فيهم خير بس اعتقد المشكله الكبرى في المدرب ولأنه يلعب بـ مهاجم واحد فقط ..
وهو العنبر انت شف الفرص الضائعه وتعرف ان اغلب الاعبين مالهم ذنب . العنبر اكثر من فرصه محققه ضيعها سوء تركيز وتمركز .. ولا مين إحتياطه .. الكلثم يعني ماردى من هذا الا هذا ..
الكلثم ما أثبت نفسه في الخارطه المنتخب الاولمبيه ولاحتى الرائد .. وحرام ياخذ مكان ..في الاولمبي .. ع الفاضي ..
والعنبر جابه المدرب عون صار فرعون واتوقع ان الفترة الانتقال الشتويه راح يتم إعارته او تنسيق لعدم إقتناع المدرب جيرتس به وحتى هو ماحاول يثبت نفسه مع الاولمبي .. يقابل فرق أقل إمكانيات وخبره ولم يستطيع ان يسجل او يتمركز ..صح ..

الشي الثاني الإداره اتوقع البطوله هذي بالنسبه لهم .. تنشيطيه مجرد لأكتشاف مواهب .. وللأمانه في لاعبين يستحقون ان ينضمون للفريق الأول ..
وللمعلوميه المدرب ماختار لاعب فوق 23 سنه الا العنبر فقط .. وقد يكون هذا رغبه من المدرب جيرتس ومومريت للحكم على جميع الاعبين الشباب اما استمرارهم او تنسيقهم

واذا انت تقول ليش ماينظم عمر الغامدي و عزيز لاتنسى انهم محاور ... واغلب الشباب محاور فحرام تظلم الاعب شاب عشان عمر و وعزيز !!

اتفق معك من الأفضل ان ينظم الفريدي للأولمبي واللعب في البطوله .. بس ممكن ان تكون نظرة المدرب مكتفي من الاعبين الوسط صناع اللعب ... وقد يكون الفريدي لم يجهز 100% للعب في مباريات رسميه وقويه ..

بس يوجد مشكله في الفريق الأولمبي او بشكل عام من الفئات السنيه لايوجد مهاجم صريح مميز

وارجع وأقول انا كـ مشجعه هلاليه لا أطمح بتحقيق بطولة تأهلني لبطولة الخليجيه ..

ولكن أتمنى أن أرى مستوى مبهر من شباب الهلال ..
انا غير راضيه عن مستوى الاعبين .. يلعبون بدون حماس ولاقتاليه حتى اللياقه ضعيفه مقارنه في بقية لاعبين الانديه المشاركه ..!!
واتمنى من الاداره الانتباه للأولمبي .. ومسألة المدرب والإجتماع مع الجهاز الفني سواء من جيرتس او مومريت .. وقرص أذن الاعبين الشباب..
وقد يكون عذرهم انهم من زمان مالعبو مع بعض او مالعبو مباريات رسميه .. هذا فرصه لهم ان يتصاعد مستواهم تدريجيا وخصوصاً انهم يقابلون فرق أقل منهم إمكانيات .. الشعله الرياض الوطني !! وبعدها بيقابلون النصر والشباب ..!!
اذا ماطلع مستواهم في مبارات أقل منهم إمكانيات متى راح نشوف مستوياتهم العاليه !!

الوطني يهزم الشعله ب 6 اهداف !! والهلال فاز ع الشعله بهدف بعد طلعة الروح !!

ولاتنظر للفرق الاخرى .. مثل النصر والاهلي والشباب..
النصر اغلب لاعبين الفريق الاول لاعبين معهم ولاتنسى ان اعمارهم لاتتعدا 23سنه(بعد التجديد والصفقات الجديده) السهلاوي وحمود و الزيلعي وعبده برناوي ومع لاعبينهم الشباب بالإضافه الي الصقور و صديق و الواكد و الحارثي .. تقدر تقول النصر لاعب بصف الاول بس بدون الرباعي الاجنبي ..!!
ونفس الشي للأهلي ..والشباب
والإتحاد خسر من الوحده والأهلي .!!!

عموما الله يعين .. والله يستر.. وبالتوفيق للهلال ..