باكـ خلآص هوّنت يكفي هذا
ولو ان يوم أمس أغلبه نوووم وتسدح ~> أعدتن راائدة

/
\

أولاً أشكركم الشُكر الجزيل على ردودكم اللي تفتح النفس
والله يجزاكم خيراً على حسن ظنكم بأختكم
وأسأل الله أن يجعلني خيراً مما تظنون ويغفر لي ما لا تعلمون

بدايةً أشكر الهنوووف على إتاحتها الفرصة لي بالمشاركة
وأيضاً السماح لي بمشاركة بيوم سابق
~> وللأمانه حتى لا تقولون بأني اخترت هذا اليوم متعمدة بسبب أحداثة ~> من زين هالأحداث !!
لا والله لم أتعمّد ذلك أبداً ..

/


i am here
هلآ وغلآ , هلآ بشبيهتي
~> صار لي شبيهتين بالمجلس " الله يذكرك بالخير يافجر الرياض "
ولو اني ماأشوف اني اشبه لك بشي , تعلّمين أجيال بالسنع ما شاء الله
إذا كنت سنعه سناعة على قدّي , الله يحفظ الوالدة شايلة كل شي عنّي وماتعطيني فرصه ~> وبعدها تقوول اني ما أنفَع بس تمون
حلو كلمة أخرِف حتى انتم تقولونها , كنت خايفة إن ماحد بيفهمها , حتى اني بحثت بقوقل هل هي مشهورة ولا لا
البردقوش / عُشبة تشرب مثل الشاهي لها فوائد كبيرة
ودّي أجيب لك فوائدها بس بسوي زحمة
اشتهرت هالعشبة بعد برنامج بيت العطار السنة الي راحت , بسبب مدح الدكتور لها ..
إذا جيت لمكة أجيبها لك ~> تردّها لك
شكراً براء على هالردّ ’ والحمد لله ان اول من استفتح الردود أنتِ





عسيرية

هلآ وغلآ بصاحبة الأنامل الذهبية ~> ودّي لو مرة يطلع ترحيبي حلو
الله يعافيك يالغلآ , آميييييين وإياكِ
بالنسبة لاحتساب الأجر صدقتِ يكفي ان لكِ مثل أجر الصائم ~> الله يعظم أجر أمي بس
أما أنا فـ أنسى الإحتساب والله

إقتباس برك ورضاتس ؟؟ ماتجي هذي يابرك ورضاك أو برتس ورضاتس <~

لا تدققين بتلقين أخطاء إلى الليل
بعدين أنا حطيتها " كـ " " تسـ " بسبب اختلاف اللهجات

العفوو يا عُس عُس
أسعدني تواجدك






мя.ħάίţħάм

حياك الله هيثم
العفووو





هلاليه كووول22

اهلين وسهليييين
اللهم آميييين , وإياكِ

إقتباس للمره الثالثه ينكتب هالرد

ياقليبي , على أجر إن شاء الله , لأنك أدخلتي السعادة إلى قلبي بردّك
شُكراً يا .... ~> تخيلي اني قلت اسمتس




إيقاع المطر

هلآ وغلآ بنور الشبكة
النور نورتس يابعدي

إقتباس لو اسوي نص الي انتي سويتيه بقعد شهرين اسولف عنه

وش دعوى
فيكِ الخير والبركة يا ايقاع , وش انا عند سناعتك
يكفي تفوقتي علي بمسابقة الطبخ
شكراً إيقاع
وع البركة تأهلكم للنهائي
دعواتي لكِ ولربطة بالتوفيق والفوز , ولا تنسوني من الجائزة لو ريال عيدية





>>الامبراطور<<

حياك الله
صدَقت الأسطوانة مشكلة وإسئل مُجربة ~> ماهي بأول مرة تصير لي ><
الحمد لله ماجتني بيالة لأني انسحبت في الوقت المناسب
العفو
وشكراً لتواجدك وعودتك






ريكيلمي

هلآ ومرحبا
لم ترى تكاسل بيومي !!
حظّي صار اليووم هكذا , خوفاً من أبي
لو كتبت عن غيره من الأيام لوجدت اختلافاً كثيراً
الله يعطيك العافية إياد وجزاك الله خيراً على دعواتك ..





شـــذى

أهلاً وسهلاً ومرحباً بمن دعمتني يوم أمس وشدّت من أزري
اللهم آآآآآآآمييين ’ وإيااكِ
يومكِ كان أجمل بالتأكيد
الله يسعد قلبك ويجزاك خير , أنتظر عودتك
قلوبك وصلت , وأرسلت لك قلوووب من هنا الى الطائف





هتلــ الزعيم ــر

أهلا أهلا
>> ماحطيته ,,بس هذا هو حالي قبل نزول اليوميات
وما أثر فيني كلام البرنس بس ماحبيت تتنسق اليوميات إلا بابتسامات الشبكة لأنه بتنزل بيوزر رسمي

إقتباس أجل تقصينه , وش ذآ العجله عليك , صدق أن ماعندك وقت ماتعرفين تفكينه طيب , على كذآ يبي لكم لي لفه كآمله كل شهر

أجل أجلس انتظره يطلع , ماعندي هالقوة الي عندكم ما شاء الله
ليتني أتحمل أطرّق سمبوسة عشان أقدر أطلّع لي الغاز ~> لكن لازم أجرّب
يبي لنا لفّة كاملة لا أبشرك آخذين إحتياطنا وجايبين لفّة طويلة لأن مو بس انا الي اسويّ هالطريقة ’ حتى امي الله يجزاه خير
الله يعافيك يا هتلر





الهنوووف
هلا وغلآ بالي أشتاق لَهْ بصمت

إقتباس ماشاء الله للحين تحسين انك رفلا اجل حنا وش نسمي روحنا

الملكات في بيوت أهاليهنْ ما شاء الله
وانا صادقة والله ان بي رفاله بس الستر زيييييين

إقتباس سبحان الله الامهات مهما عرفتي وتعلمتي تحس انك ماتعرفين شي

صادقه
لأننا مقارنةً بأعمالهن وشغلهن وقت ماكانوا كبرنا فعلاً مانعرف شيّ
أمس أمي زعلت عليّ لأني نمت بعد المغرب وماصحيت إلا بعد ماطلعوا من التراويح , كنا ناوين نرووح للسوق بس لأني نمت مارحنا
المهم انها أخذت بخاطره عليّ , وحاولت ارضيها بس مدري وشلون
جلست اسولف معه اليييييين جبت طاري أعياااد زمااان واستانست وجلست تحكي لي عن بطولاتهم أقصد الشغل الي كانو يسونه بيووم العيد , رغم التعب إلا انه أحلا أيام العيد اللي عاشوها
ومع هالذكريات والسواليف إرتاحت نفسيتَهْ و رِضتْ علي
إي والله شوفتهم مستانسييييين تسوى الدنيا ومافيها , مع اننا مقصرين معهم , الله يحفظهم ويرزقنا برّهم

إقتباس ماشاء الله يومك متعب من اسطوانه غاز لـ التمر

والله شكله اليووم الي بيصير متعب , وانا جالسة اردّ على الردود إنفصل ظهري وأنا أكتب
~> مدري وش متعبني بس احس انه من واجبي أردّ عليكم
بالنسبة لأخواني الله يصلحهم ,,والله مايقصرون الله يجزاهم خير
أصلآ في شي ماقلته باليوميات
أخوي الي قلتله ينقذني أول ماخلّصت الإسطوانة ’ كنت قبلها معطيته خُبز يسخنه بالمايكرويف
~> انقلبت المهمات والأشغال عندنا
..
يارب لك الحمد على هالنعمة " نعمة البنات " ياحبي لنا بس

ياختي ياطووول ردّك ما شاء الله وش أعلّق ووش أخلّي

شكراً هنووو على ردّك الجميل واللطيف ومدحك
شكراً على كل شي , أتعبتك معي

إقتباس والله يخليك لاهلك ويرزقك ولد الحلال والبنت الي تهمز رجولك والولد الي يطلع الشوك من رجولك شاكرهـ حرصك

اللهم آميييين , أوما الولد الي يطلّع الشوك
الله يوسع صدرتس بالعافية
# بعض الدعوات ادعيها بظهر الغيب عشان مايكون في إحراج





i am here


عُذراً عذراً براء





متابعة بجنون

هلآ وغلآ

إقتباس الله ذكرتيني بمزرعتنا اللي بديره وايام الخوالي وشقى خرف التمر والمسراح؛ الذهاب؛ مبكر ..

ياحليلكم ما شاء الله جازت لي كلمة المسراح

يالبى قلبتس يامتابعة , الله يعافيك
مشكووورة يا بنت الطائف
~> واخيرا عرفنا من وين أنتي , توفعتك من تبوك






شكسبـal.zaeemـــير

حيّاك الله شكسبير ,
اللهم امييين , وإياكم

شكراً





وجــدان

هلآ والله وغلآ بنور حائل الي أخذته معَهْ للرياض
هلابتس يابعدي
أنا ملح المجلس ؟ عسى بس مانب برفع ضغطكم .؟
الله يسلمتس يا بعد حيي وأنتِ حلآ المجلس

إقتباس بس أوّل مره أدري إن اللي يزيّن اليوميّات الأسلوب مو الأحداث ولا حتى الأكشن

إسلووبي حلووووووو قولي قسم
منك نستفيد ونتعلّم ياوجدان

إقتباس ألاحظ الكل يحبك ماشاء الله تستاهلين ياحيي على قولة الشاعر : ماينفتح قلبي لبعض الأوادم ... والبعض من قبل يتكلم أحبه يشهد الله إني احبتس فيه

أحبكِ الله الذي أحببتيني فيه

إقتباس هاه استانستي ؟

إي استانست بس أحرجتينْ
اذا انتي عرفتي تعبرين عن مشاعرك أنا كيف أعبّر ؟

شُكراً وجدان
أسعدني تواجدك وردّك وهـ بس
شفتي كيف عرفت أكتب شي غير الأخبار ؟
الله يجزاك خير ,



ـــــــــــــ

إنتهيت من الصفحة الأولى الحمد لله
وإن شاء الله بتكون لي عودة لجميع الردود

لييز ياحبي لتس بس
يا رب يمديني أرجع وأعلّق على ردودك
وان ماقدرت بعدل بردّي هذا حتى لو كان بكرى

برب يتسنن الضحى
~> اللهم لا رياء ولا سمعه بس بذكرهم