كل ذا قعدة بغرفتك (منتب صاحي)
سلام اخبار علوم المجلساوية في 2 الله يصلحهم رجعو الخوف اللي ماصدقت افتك منه ماصدقنا نطلع للسطح الحالي الا و3 مواضيع عن الجن العبت بحسبتنا لعب المهم مالكم بالطويلة قبل كم سنة اخر ش اعرفه هي غرفتي مااعرفها الا لجيت انام (انوم ) فيها وبس ولكن بعد ماعرفت هالانترنت تغيرت اموري وخصوصا لما شريت اللابتوب  صارت الغرفة هي مكاني المفضل و3/4 يومي فيها (اغلب ايامي)  المشكلة كنت اتوقع البلا مني انا لوحدي وبقادم الايام بترجع حياتي السابقة مع تغيير قليل بس المشكلة اني شفت اغلب العالم مثلي واردى مني  مثلا اعرف واحد يحلف لي بالله انه يقعد باليومين والثلاثة مواصل دون نوم بالغرفة عاللابتوب  انا ولله الحمد للحين ماوصلت لها الحال  بس هو الصراحة بما اني شاب وماعندي مكان اروح له غير استراحة وبقالة وشارع فمعي حق لجلوسي هالوقت الطويل بالغرفة امام اللابتوب مير الواحد يوسع صدره وياخذ الجديد والمفيد  وفي نفس الوقت الواحد يأخذ راحته وهوا عالمسن لاصار يتبسم ولا صاكه راسه مافي احد يناظره  لان جربتها مرة جلست بالصالة عند الاهل حسيت ان اي عضلة بجبهتك تتحرك فانت مكشوف  مدري ذولا اللي يقعدون عالنت بالصالة ولا بدوانية ولا من هيك حكي كيف ياخذ راحته بالكلام انا عندي لكم سؤالين س/ من منكم يقعد عالنت بغرفته ومن اللي مثل المطلقة كل يوم بمكان ؟ س/ كم ساعة تقعد عالنت باليوم ووش تسوي؟ انا من ناحيتي اول موقعين افتحهم لادخلت النت موقع الزعيم  وترافيان وطبعا بنفس الوقت يكون المسن ماصدق خبر اني جيت وعلطول يدخل زين انه يستأذن يقول لي هل تريد تغيير الحالة الى متصل  وطبعا مدري اسمي نفسي مدمن او لا بس الحين عرفت ليه خالي 24 ساعة عالنت ونظاراته كبر نظارات ابو جهل  وعنده اجهزه من كل الموديلات وسيديات كل البرامج وكمية من الفلاش ميموري وكمية من الهاردسكات صراحة هالخال احسن مافيه انه لاطلبت منه شي يعطيني اللي ابي وزود وشرح عملي بعد ياحظ عياله بس ______________________________ شي يقهر  قهرني خبر قبل يومين تقريبا يقول ان شاب عمره 15 بالخرج توفى بسبب انفلونزا الخنازير  والثاني بالخرج بعد جا من مكة ونقل الفيروس لاهله كلهم والان كلهم بالحجر حق المستشفى ولاحول ولاقوة الا بالله وانا صراحة ماتوقعت انتشاره السريع والي قهرني قبل يومين هناك مزرعة لتربية الخنازير اكرمكم الله بالخرج وهالمزرعة باحد القواعد العسكرية واللي جابوه هم الامريكان والانكليز بالسكن تبعهم داخل القاعدة اثناء عملهم وهي موجودة الى الان وانا استغربت اول ماسمعت الخبر كيف في اراضينا اللي يحرم فيها الحرام يوجد بها مثل هالمزارع  والله يستر والايام القادمة ايام ستكثر روحات الحريم للاسواق وكالعادة معروف انك لارحت السوق بتقعد تقلب البضايع وتقعد على طاولات وكراسي وبتداخل اماكن مزحومة وخوفك ان هالمرض ينتشر بكثرة واسرع بسبب هالاسواق خصوصا ماسمعته قبل اسابيع عن دخل سيدة للمستشفى بسبب اصابتها بالانفلونزا يوم انها راحت المشغل انتقل لها الفيروس الله يحمينا واياكم من هالفيروس وجميع المسلمين
اخر تعديل كان بواسطة » محب الجنه الخرج في يوم » 07/09/2009 عند الساعة » 04:47 PM | 