هلالي وأحب برشلونة 9 ** آيوب تحت المجهر  ؟! و الله الساعة المباركة اللي صدناك فيها  ، عضو مميز صراحة و مو آنا اللي آتكلم عنك !! الله يبارك فيك وشهادة اعتز فيها حقيقة منورنا بندر هاذي شوية آسئلة على الصبح و آذا فيه آسئلة بعدين آكيد بآرجع لك ،، تحت امرك يا باشا وهذي الساعة المباركة اللي اتشرف بإستقبالي اسئلة من شخص عزيز س\ وش تسوي تحت المجهر ؟ و كيف الجو عندك ؟ آجي آسليك شوي ؟ والله ابد ماخذ لي هالحطيبات واتدفى  س\ تذكر دوري الـ ofm ؟ و تذكر يوم آنك تفشلني  ؟! يوم آسأل كيف آغير المتصفح حقي و رديت آنت علي و قلت " شرايك نعلمك بعد كيف تشغل الجهاز بعد " ،، هههههههاااااي اي والله ذكرت ... كنت شرير وقتها بس مع احترامي الشديد لك الا ان سؤالك مدري وش يبي >> رجعنا لطير ياللي  س\ رآيك في ميركاتو البرشا بما انك كاتلوني ؟ و هل ينقص الفريق شيء لـ الآستمرار في الآلقاب ؟! ميركاتو جداً مُمتاز ,, واهم شي غطى الجهة اليسرى بـ ماكسويل وعساهـ يظبط ويجلس كريري احتياط ,, ممممم الفريق الموسم الماضي كان جداً مُمتاز ينقصه ظهير أيسر صاحي بسسس ,, ماكسويل في حال نجاحه فـ اعتقد الفريق ما يحتاج اي صفقة قادمة حتى الصيف القادم  س\ رايك بـ بيب غورديولآ ؟! و هل يستحق آنك تكتب آسمه جنب آساطير التدريب مثل السير و كابيلو و ليبي ؟! الموسم الماضي كان شي ثاني ولا فيه اي مُدرب ينافسه من ناحية التكيتيك ولا ايضاً من ناحية الإنجازات لكن مسألة كتابة اسمه بجانب السير فيرجسون وكابيلو اعتقد يبي لها وقت كثير كل واحد من هالمُدربين حقق ما يُقارب 20 بطولة بداية بيب جداً رائعة ,, في حال استمر على هالمنوال لـ 6 - 7 سنوات قادمة اعتقد بيكتب اسمه وبماء الذهب ايضاً وسيحفر في قائمة الاساطير س\ الآرجنتين مع ماردونا .. إلا وين ؟ إلى الجحيم .. مارادونا ما يفقه اي شي في عالم التدريب ,, انا اكرهه كـ لاعب وكـ شخص وكـ مُدرب  ما قهرني الا يوم يطير ريكيلمي وحاط كل الشغل على ميسي ,,! صعب ميسي يشتغل لحاله ,, وقام يألف لك كباتنه ,, اجل ماسيكرانو كابتن  ماسكيرانو يعجبني بالحيل ,, لكن مسألة انه يستلم الكابتنية اعتقد انها كبيرة عليه شوي عالعموم ,, بالتوفيق للأرجنتين بعد ما يطيّرون هالسكير اللعين س\ رايك في صفقة كاسيراس و اليوفي ؟ فائدة فنية حتى الآن لم تظهر ,, لكن كـ إعلامياً مُقارنة بـ قيمته اعتقد انها جداً ممتازة لعب تقريباً مباراة واحدة ,, وقدم مستوى ممتاز نوعاً ما ,, ان استمر على ذاك المستوى , اعتقد بتكون صفقة نااجحة ,, واتمنى إعطاءه الفرصة من قِبل تشيرو ,, س\ آبرا هل يستحق المبلغ اللي دفع فيه ؟ و هل بينسجم مع تكتيك البرشا و يطلع اوكيييي ؟ إبرا سعره مُبالغ فيه حقيقة , اوكي إبرا احد افضل المُهاجمين في العالم , ومن المُهاجمين النادرين اللي يجمع لك ما بين راس حربة ومهاري , ويضرب بالراس وقوة تسديد بكلتا القدمين و ذكاء وكل شي , لكن لو حسبتها صح ,, إيتو قيمته السوقية ما اعتقد تقل عن 35 مليون + إبرا بـ 45 مليون = 80 مليون  يعني مبلغ مو سهل أبد ,, لكن يبقى إبرا مُمتع ومهاجم من طراز نادر , ويحسم لك اي مباراة في اي لحظة , واتوقع انسجامه مع الفريق وسيقدم نجاحات لكن ليست مثل اللتي كان يعملها قبل في إيطاليا وايضاً في هولندا س\ وش معك سيارة ؟ و هل آنت مقتنع فيها ؟ جاوبت عليه قبل  معي حالياً موتر الوالد فورد وادور لي موتر هاليومين عسى الله ييسر ,, س\ بـ آمانة .. تدخن ولا لا ؟ لا والله الحمد .. وإذا جلست مع واحد يدخن يصكني راسي وادووخ الله يعافي كل مُدخن ولا يبلانا  س\ وش المسلسلات اللي تتابعها في رمضان ؟ ما اتابع المسلسلات كثير , لكن ممكن تقول بيني وبينك وباب الحارة مسكات س\ ليش العالمية في الفترة الآخيرة فيها تعصب آعمى و الكل يدرعم و الكل يناقش بعصبية لـ فريقه ؟ وش سبب كل هـ المشاكل الحالية ؟ مممم مثل ما تقول كثرة المُشجعين هنا وازدياد اعدادهم يوم بعد يوم ,, وسبحان الله بعد الاعضاء يحب يشب الفتنة فيما بين اعضاء الروابط الثانية , تلقى فريقه من خسارة لـ خسارة ويكتب لك مواضيع وردود تنرفز مُحبي الأندية الاخرى , لإيقاعهم في مصيدة النقاشات والمُقارنات ,, وايضاً المجال مفتوح على مصراعيه للتعبير عن رأيك وايضاً للتحدث عن إنجازات فريقك وممكن التقليل من الفرق الأخرى ,, والتعصب يا عزيزي شر لا بد منه س\ آقرب عضو لك في المنتدى - بعدي طبعاً - ؟ ejeex - نواف - يزيد11 - K I N G . M I L A N وفيه اعضاء قريبين جداً لكن ذولا هم الأقرب بس خلاص و آتمنى آني ما ضايقتك بـ الآسئلة ،، آيوووووووووووب ،، وش دعوة لا ضيقة ولا شي والله هذي الساعة المباركة يا بندر وبالمناسبة يعلم الله اني اعتبرك احد افضل اعضاء المُنتدى تعامل مع الروابط الأخرى , حبوب وخلوق اسعدني مرورك كثيير بندر . . |
