الموضوع: [ صراخ الاطفال ، قروشة بلا حدود !! ]
مشاهدة مشاركة بصفحة مستقلة
  #1  
قديم 05/09/2009, 09:40 AM
الصورة الرمزية الخاصة بـ 20 الكاسر ياسر 20
20 الكاسر ياسر 20 20 الكاسر ياسر 20 غير متواجد حالياً
زعيــم مميــز
تاريخ التسجيل: 11/11/2007
المكان: Here And There !!
مشاركات: 14,060
[ صراخ الاطفال ، قروشة بلا حدود !! ]
بسم الله الرحمن الرحيم


مافيه احد منا مايحب الاطفـال وبرائتهم ،، ومافيه شك ان الاطفال زينة الدنيـا وفرحة
الأب يوم يجي له ولد او بنت فرحه لاتوصف .

في مقوله تقول " المخدرات بداية النهايه " لكن هالمقوله تختلف في موضوعنا اللي
اليوم ، لتتحول المقوله الى " البزران بداية القروشه "

تخيل .. كنت في يوم مليان عمل وتعب وجهد ، وتحتاج لثلاث اشياء عشان تستعيد
طاقتك وهي :
  • مكيف
  • سرير كبير
  • وساده اكبر من راسك


راح تلقى هالاشياء متوفره ،، تحط راسك وتستعد لنومه ضخمه بعد يوم مليء بالتعب

،، لكن فجأه سمعت صراخ هالشي اللي تحت



قمة " النذاله " من البزر يوم يصرخ في غير وقته ، يعني تخيل انك تبي تنام وراسك
مصدع وما له علاج الا نومه حقها 8 ساعات اقل شي ويجي هالبزر ويجلس يصارخ
فوق راسك !!



المشكله انه " بزر " ولاتقدر تتفاهم معه ولا تدري اصلا وش يبي هو بالضبط ،
والادهى من كذا انك لاتملك اي حل يسكت هالبزر ولو ترجع لسبب صراخه تلقاه
تافه جدا لكن الطفل العاده يحب يصارخ ويصيح على اي شي يحصل له حتى ولو
كان امر بسيط .




قبل كم سنه يوم كانوا اخواني صغار كنت اتعذب و" اتقروش " من هالشي لكن الآن
كبروا اخواني وحسبت نفسي اني برتاح لكن اذ فجأةً يطلع لنا ولد اخوي والله
لايوريكم صراخ 24 ساعه ،، انا لو عندي ولد مثل هذا كان شنقته وانفكيت من
صراخه ،، عاد ولد اخوي هذا طفل يعشق الصراخ بشكل كبير بسبب وبدون سبب
وماشاء الله عليه حنجره صوتها عالي وانا بصراحه اشك انه مركب مايك بحنجرته
يضخم الصوت زياده



اخوي " اللي هو ابوه " يحب الاطفال بشكل ماهو طبيعي ودايم اسأله بالله كيف عايش
في بيت فيه هالولد اللي دايم وهو يصارخ ؟؟ مايزعجك ؟؟ !!


طبعا بما انه يحب الاطفال فـ الظاهر انه ماصار يفرق عنده يصرخ او لا لأنه تعود
على هالصراخ ولاعاد ينزعج مثلي


****


* هل انت تنزعج مثلي من اصوات صراخ الاطفال ؟
* وهل اصبح مايفرق معك لأنك تعودت على هالشي ؟


اضافة رد مع اقتباس