نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - (( يوميات رمضانية " 12" )) المتألقة: ( وجــدان ) " ويوميات كلها ( قـهـــر × قهـــــر ) " !!! ‏

الـمـشـاغـب · #23 03/09/2009, 04:21 PM

هلا وغلا مودموزيل وجدانوفيتش

على طاري وجدانوفيتش .. تذكرين موضوعك عن الغيرة يوم كتبتي مقولة :
" لن يتفجر بركان حبي إن لم تشعله شرارة الغيرة " وكاتبه بعدها : وجدانوفيتش ..!
المهم لقيت واحد حاط المقولة في توبيك المسن .. وهالدلخ يحسب وجدانوفيتش فيلسوف قال هالكلمة .. عشان كذا راح يرز اسم وجدانوفيتش بالتوبيك

أهل العقول في راحة

أمس كنت ناوي أرسل لك رسالة خاصة عشان تذكريني في يومياتك

لكن للأسف كبريائي منعني أن أقدم على هذه الخطوة حتى ما ينقال عني أتخرفن

المهم اليوم حلو .. وأسلوبك طبعاً أحلى وأحلى .. ما شاء الله تبارك الله ..!
الحمد لله بس انكم كنتوا معزومين وما انفضحتي قدامنا ولا اضطريتي تكذبين علينا رغم أن الكذب مش مستغرب عليكم يالبنات

الواحدة حتى السمبوسة ما تعرف تلفها .. تروح تقول انها مسوية مكرونة باشميل أو مرقوق أو غيره

المهم تراك ذبحتينا بحايل حايل والنقاب مايل

.. والله عاد لو انها مثل نجران كان قلنا ما يخالف

بس مو مشكلة .. القرد في عين أمه غزال

أمزح معك والا حايل أحبها حتى لو هي وع

إقتباس


	اجل عمرتس شفتي وحده يوم تأخر اخوها قعدت تبكي تقول لا اكيد مآت

ـههههههههههههـ

مرة وحنا بالديرة .. كنت مواصل ما نمت للظهر ..
المهم ابوي كان يبي مني شغلة وما يدري أني ما رقدت ..
قمت وأنا نص دايخ ورحت فوق السيارة بعد ما أخذت معي واحد من الجماعة عشان يسليني بالطريق ..!
خلصنا مشوار الـ 40 كيلو تقريباً .. وخلصنا المهمة بنجاح ونزلنا مقهى عشان نتغدى ونعسّل

تغدينا الساعة 3 .. وجات الشيشة .. ما دريت إلا وأنا في سابع نومة

خويي الزفت شافني نمت راح ينام هالإمعة

والأهل يدقون على جوالي وجوالي مقفل كالعادة

علموا أبوي أني مواصل وبدا الخوف يدب في جسده

تحرك أبوي وأخوي يقتفون أثري .. وكل شوي يناظرون على طرف الخط يبون يشوفون سيارة منقلبة أو صاير عليها حادث

ما دريت وأنا نايم إلا وأبوي يفتح الباب بقوووة وحنا كل واحد محتضن شيشته وقاعد يرضع الـ ليّ وهو نايم

خخخخخخخخخخخـ

والله كأنه حلم منب مصدق .. أبوي شافني أشيش؟ يا مصيبتاه

المشكلة أني دلخ قمت أقول مهيب لي حق واحد طلبها وراح

يا عيني على نفسي أعرف أصرّف

المهم كان هذاك اليوم من أسوأ الأيام في حياتي .. كله عشاني تأخرت ساعة أو ساعتين

آسف على الإطالة .. بس ان جينا للجد احمدوا ربكم أني قاعد أسولف لكم ..
صدق ناس ما تنعطى وجه ..!
شكراً وجدانوه ..

بانتظارك يا علووش