الحمد لله على سلامة الامير
لكن لازم الحادث هذا يكون محاولة للتصحيح الحين ما هو كل الارهابيين جايبينها من دين الوضع الماساوي الي يعيشه الشعب السعودي ما هو كله لكن هم في ازدياد من تردي في حالة المواطن الاقتصادية, حقوقك ما تحصلها واشياء كثيرة تحسس الشخص بالغبن
بالله شخص ذبحه الفقر ريال ما يملك وين يروح ابوه مقطعته الدجة البيت مليان بشر اخوياه داجين مثله هذولي ما هم ارهابيين تلقاهم كل انواع الاجرام عندهم استعداد يسوونها لانه لا يملك اي امل بالعيش الرغيد او على الاقل ما يلقى شي ياكله الا بالسبل المنحرفة
ايضا جتني رسالة على الايميل رجال مات بسبب انه كان مريض ومالقى سرير بمستشفى نسيت وش المسشتفى لكن هو من المستشفيات الكبار الحرس الوطني, الجامعي من ذولي
المهم ولد مثل هذا الشخص ما يتولد عنده احساس بالغبن ويحقد على السعودية وما فيه خصوصا اذا ما تضررت مصالحه واصبحوا يعيشون وضع ماساوي بعد اهمال السعودية التي هو مطالب بحبها لوالده وهو احد مواطنيها
واذكر مقال للدويش الكاتب بجريدة الجزيرة عنوان المقال الفقر الغول الذي يجتاح استقرارنا
يقول ان نسبة الفقر بالسعودية 22بالمية قريبة من النسبة في لبنان ودول صراحة ما تخيلت اننا يمكن بيوم نصبح نقارن بها بنسبة الفقر بالله كيف جاء الرقم هذا الوضع اذا استمر على ما هو عليه الامن الي نعيشه الحين بيختفي بالله شعب كله او ثلاثة ارباعه فقراء وربعه الاخر وش اقول من الغناء الي يعيشونه ,الحين فيه توازن يعني يوجد طبقة المستورين الحال او الطبقة الوسطى لكنها تقل والفقراء بازدياد واذا زادت هذه الفئة فلننتظر الارهاب الحقيقي
ما هو ارهاب يهدد مصالح الحكومة
يجب علينا احترام حكومتنا وقيادتنا لكن الحكومة ذاهبة و الوطن باقي تراب الوطن هو من يجب ان نحبه |