مبروك الف مبروك الفوز المستحق واللي جاء بوقته بصراحه

روما كانوا يعانون من الارهاق وهذا اللي ساعدنا بصراحه وفوق هذا كانت خطة سبالتي ماادري وش تبي

نعنبو ابليسكم كم صفحة فتحتوا <- من امس جالس يقرا

ماتنلامون .. دييغو اللي سواه ماهوب بسيط .. فورزا يوفي فورزا سليساو

هلالي@متعصب

إقتباس آخ لو يرجع سيسوكو مع ميلو بيطلع هواااااايل ,,

^
^
قلبي على قلبك ... هذي الجملة جالس ارددها في وقت المباراة امس وانا اضحك

_____________

من وجهة نظري يا إخوان الدفاع مايطمن بصراحه .. الأظهره "مع احترامي لديتشلي والا قريقيرا عادي الواحد يشتمه" ما تبشر بخير !! <-- جايب شي جديد

يمكن مع رجعة سيسوكو وانسجام الفريق اكثر تختفي هالعلة ويطمئن قلبي <- اقرا ماتحته خط باللغة العربية

اليوفي وبس

اتفق معاك بكل كلمة قلتها .. ايام العز إن شاء الله راح ترجع

اخوي مشهور ... حياك الله نورت الرابطة

أولاً هاردلك على الهزيمة

ودي اعلق على نقطة وحدة فقط !!

إقتباس اليوفي فريق كبير ماحد ينكر هالشي ويقدر يفوز بمبارياته ضد الفرق الضعيفة لكن بمباريانه ضد الفرق الكبيرة بيحتاج للاعب مثل دييجو وشفنا بمباراة روما امس أيضا الكلام على موسم طويل ومنافسة على اللقب

^
^
اخوي مشهور في الدوري الايطالي لا تستطيع احراز اللقب إلا بالفوز على الفرق الصغيرة اما الكبيرة لا تشيل همها وخلها تفرح بالفوز عليك وانت افرح باللقب

خلني اشرح لك فكرتي بطريقه حسابية ..

كم فريق كبير عندك في الدوري !! 4 افرقة كحد اقصى .. طبعاً غير فريقك اللي تشجعه ..

4 افرقه مضروبة في 3 نقاط = 12 نقطة .. يعني 24 نقطة ذهاب واياب من اصل 114 نقطة

نفترض ان فريقك انهزم من الأربعة الكبار ذهاباً واياباً وطبعاً بدون ولا هزيمة من الصغار !

114 - 24 = 90 نقطة <-- هل التسعين نقطة تجعلك بطل للدوري ام لااااااا ؟؟

اصلاً لو توصل 70 نقطة اضمن لك اللقب

وهذا اللي يميز الدوري الايطالي عن غيره من الدوريات اللي لازم فيها تفوز على الكبار عشان تخطف اللقب لأن هناك فرق كبييييييير بين الكبار والاندية الصغيرة في المستوى وفي الامكانيات المالية والدوري الاسباني اكبر مثال !!

وأقرب مثال للكلام هذا كله يوفي كابيللو ماكان يفوز على الكبار واخذ اللقب مرتين متتاليتين

على العموم آسف على الاطالة ومن زمان عن الردود الطويلة والنقاشية .. واعذروني اذا في اخطاء املائية والا تعبيرية خبركم صايم ومداوم !!!

فورزا يوفي فورزا أليــــكس