31/08/2009, 04:32 AM
|
| المجلس العام | | تاريخ التسجيل: 28/04/2003 المكان: المجلس العام
مشاركات: 2,104
| |
|
(( يوميات رمضانية " 9 " )) : المتألقة (رعبوبة الزعيم) " تعلنها بثقة مفرطة :D (بما اني رورو فأكيد اني غير) " !!!
فكرة - سندريلا الهلال
اعداد ومتابعة - الهنوووف
تصميم - عسيريه
لنا من كل عام شهر فضيل ..
أعاده الله علينا وعليكم وجميع المسلمين بالخير واليمن والبركات
وكل عام وانتم بخير
**][يوميات رمضانية 1430 هـ ♥][ **
لقد عدنا اليكم .. تحملنا الاشواق للقياكم .. ونسعد ان نعيش معكم .
. في سلسلة تحمل بين طياتها يوميات الأعضاء الرمضانية من كل عام ،
هذه السلسلة أنتم أهل بيتها ونحن ضيوفا في حضرتكم ،،،
+
+.........+
+
أهلا وسهلا بكم أحبتنا ..
ودعونا نرحب سوية بالمضيف "التاسع"
العضوة المتألقة "رعبوبة الزعيم ."
لكي يحكي لنا احداث يومه مع شهر رمضان المبارك ..
السلآم عليكم ورحمة الله وبركآته .. كل عام وانتو بخير والله يعيده علينا سنوات كثير واحنا بصحه وعافيه  اليوم يوميآت الجآسوسه رورو وبما اني رورو فأكيد اني غير >> ام الثقه  احس اني شآيله هم اليوميآت كيف اكتبهآ وكيف بتكون المقدمه وكيف وكيف  لان اللي سبقوني مآشالله كل شخص يومه احلى من الثآني طبيعي ابي اكون معآهم بنفس الموكب وان شالله يكون يومي احسن منهم <-- امزح مآعلينآ مو هذآ موضوعنآ .. بلآ مقدمآت بلآ هم .. ان شالله عمري مآكتبت مقدمه.. اهم شي اقولكم عن يومي الجميل والممتع واللي يحمل أحدآث شيقه منهآ الأكشن ومنهآ المتعب ومنهآ المريح ..<<---تسوي تشويق ببدآ يومي من امس السآعه 12 بالليل ,من زود الطفش رحت مع امي بيت صديقتهآ لأن بنتهآ تعبآنه ورحنآ نزورهم من السآعه 10 رجعنآ البيت على حدود السآعه وحده  . . وتسحرنآ بروستد ..وبعد السحور حطيت بشعري زيت ,وبعدهآ دخلت النت شوي وجلست اسولف مع صديقآتي لمآ الساعه 3 دقت علي صديقتي وجلست اكلمهآ لمآ الساعه 3 ونص ..رجعت للنت الى السآعه 4 ,دخلت اخذت شور وطلعت صليت الفجر ثم رجعت للنت مرهـ ثآنيه وتكيت ع النت الى السآعه 9 الصبآح تقريباً بعدهآ رحت للسرير وأحلى نومه .. صحيت من النوم الساعه وحده الظهر صليت ورجعت نمت مرهـ ثآنيه الى السآعه 4 او قبلهآ بشوي جات امي صحتني وأنا قمت من النوم معصبه  رحت لأمي وقلت لها توهآ الساعه 2 ونص ليش تصحوني قال الحين 2 ونص رووحي شوفي السآعه زين الحين الساعه 4 يافالحه قلت لا الحين 2 ونص , قامت ورتني ساعة جوآلهآ أثآريني انا يوم صحيت ماكنت اشوف زين وكآنت السآعه تقريبا 3:59 دقيقه وانا احسبهآ 2 المهم رحت وصليت العصر ودخلت المطبخ اشرف على الطبخ , ورحت عند اخوي بكل مصلحجيه وقلت له ابيك اليوم توديني المشغل  , قال اوك , قلت زين رضآ قلت له ترى المشغل مو هنآ المشغل بالدمآم قال والله مشغول بعدين ولا اقدر اروح الدمآم يمين يسآر حآولت فيه وباأخير رضيت بالأمر الوآقع  ,((وتذكرت ان اليوم اختي وزوجهآ مع جدتي وعمي وزوجته بيفطرون عندنآ رحت وكلمت اختي وقلت لهآ عن المشغل قآلت حتى انآ اليوم عندي مرآجعه بالمستشفى فقررنآ انآ نخلي زوجهآ يودينآ المستشفى أول بعدين نروح للمشغل وكآن موعدهآ السآعه 8 يعني مآفي قيلوله بعد المغرب  ...! )) يوم صارت السآعه 4 ونص رحت عند التلفزيون اغير في هالقنوآت
ويجيني اخوي الصغير يبي mbc3 يقول فيهآ توم وجيري
قلت يآولدي اي توم وجيري الساعه 4 ونص وبالهدآوه لين رضآ نحط على قنآة الكويت ونشوف ام البنآت
بعد ماخلصت ام البنآت رجعت للمطبخ مرهـ ثآنيه واسولف مع امي شوي الا دخلت علينآ اختي الكبيرهـ قمت خليتهآ مع امي وطلعت لغرفتي . .قريت قرآن شوي ويوم صآرت السآعه 6 طلعت برآ الا جدتي وزوجة عمي كلهم فيه سلمت عليهم , وجلسنآ ننتظرهـ يأذن السآعه 6:4 اذن المغرب سمينآ واكلنآ  هذآ فطوووري بعد الفطور صليت المغرب ومثل كل مرهـ جيت بآخذ قيلوله وتذكرت أنه مآيمدي وأن موعد أختي السآعه 8 , قمت ودخلت للنت ودخلت المسن وجلست اسولف مع عشووقه ,
ودخلت للمجلس العآم ولموقع الجآمعه علشان انزل موآد جديدهـ قبل العشآ بشوي قمت وتجهزت علشآن نطلع انآ واختي وطلعنآ رحنآ للمستشفى المآنع وكآن للحين مآبدآ دوآمهم وكآن المستشفى شبه فآضي بعدهآ بسآعه صآرت الزحمه والحمد لله إن رقمنآ كآن بالبدآيه كآن مآرآح نخلص الا بكرهـ  , وحنآ جآلسين جآ ولد صغير وآضح مزكم ورآيح فيهآ وجلس جنبي وجآتني أم الركب , قلت لآيكون فيه فلونزآ الخنآزير ويعآديني ومسكين الولد عيونه غآيره وشكله مرهـ تعبآن , ماارتحت الا يوم طلعنآ من غرفة الإنتظآر وبالموت شرفت الدكتورهـ السآعه 10 ودخلت اختي عندهآ وبسرعه خلصنآ على السآعه 11 صرفنآ الدوآ وطلعنآ من المستشفى للمشغل , يوم دخلنآ المشغل الا اشوف بالصدفه وحدهـ معآي بالجآمعه سلمنآ على بعض وبعدهآ رحت للمغربيه اشوف بكم بتسوي شعري قآلت لي بـ 500 قلت غالي نزلي شوي قآمت تنصب وبنسوي كذآ وبنعمل كذآ وبنعتني بالشعر قلت خلاص خلاص لايكثر وسويلي  بعدهآ رحنآ للظهرآن مول وكنآ أنا واختي مشتهين باستآ من يم يم تري . . نزلنآ وأخذنآ البآستآ سفري والى البيت مبآشرهـ وأكلت البآستآ ودخلت للنت .. هذي حيآتي بالنهآيه احب اشكر توأمي هنو ,والمجلس العآم على استضآفتي .. وان شالله أكون ضيفه خفيفه عليكم ..  والله يجمعنآ واياكم بالفردوس الأعلى بالجنه .. كل الشكر
للمتميزة **][ "رعبوبة الزعيم "♥][ **
وانتظرونا غداَ مع العضو المتميز -marsal .-
أرق التحايا وأطيبها من
مشرفي واستشاري
|
