بداية المشوار ..

نقاط 3 مهمة في بداية المشوار ، لانها تبعد الضغط تدريجيا عن الفريق ، عجبتني كثير
اخطاء اليوم ، البعض يستغرب كيف اخطاء وتعجبك ، اعجبتني انها ظهرت في ظل
غياب لاعبين اساسيين ، واعجبتني اكثر واكثر انها في بداية خطوة الالف ميل ، هنا
المدرب يعرف انه ما سوى شي حول هذي الاخطاء في الصيف ، ويالله عدلها قبل تنفلت السبحة .

اللي مو عاجبني ، رعونة كاسياس الكبيرة ، ابدا مو هذا ايكر اللي اعرفه ، من طلعت
لحيته ورباها وهو وضعه مو عاجبني ابد ، لا مع البلانكو ، ولا مع الروخا ، الرجل متغير اداءه مرررررررة .

ما علينا

اللي حصل في الدفاع امر متوقع ، 3 / 4 من الدفاع جديد واول مرة يلعب رسمي لريال
مدريد ، شيء متوقع جدا ، الاهداف جت من نقطة ضعف الفريق وهي العرضيات ،
وان كنت احمل الهدف الثاني اربيلوا و كاسياس ،اللي حتى لو كانت الكورة بعيدة شوي
، لكن حسسني بوجودك ، انقز سو شي ، انا مقتنع ان ايكر لو حاول كان ممكن يسوي
معها شي .

البيول اليوم مشوت واستغرب اللي يقول انه افضل من جاراي اليوم ؟! ، بصراحة
رغم اول لقطة في المباراة واللي سفلت بـ جاراي فيها ، الا انه في المتش بصفة عامه
كان عندي افضل من البيول .

اربيلوا جيد لكن ما لقى اللي يغطي وراه لما يطلع ، وهنا المشكلة ، لاس اليوم يلعب
في الثلث الاول من الملعب وانا اعتبره خطأ ، ممكن يبي يضغط على الخصم لكن
بهالطريقة لا .. لا .. لا ، لاس ما قاعد يجري لانه صائم ، هنا لفت نظري كلام
ابو عابد وحبيت اعلق عليه

إقتباس الي ما قدرت افهمه ليش الونسو ملزم بـ أدوار دفاعية أكبر من لاس الي كان اغلب أوقات المبارة قدام .. من خلال المبارة وضحت لي فكرة مدري هل هي صحيحة او من جنبهـا .. اذكر لقـاء بيلليغريني مع الماركا .. قال احنـا بندخل نلعب في ملعب الخصم .. وما بنلعب على المرتدات .. بريسنغ عالي في منطقة الخصم تلخبط الآداء كله وتخلي بنـاء الهجمة المنظمة يصير عشوائي بدرجة أكبر .. لاس لاحظته اغلب اوقـات المبارة في الثلث الامامي .. يساند - يمرر - يشوت .. في حالة الكرة كانت معنـا .. اما في حالة قطع الكرة .. استغل سرعة لاس في الضغط على الخصم لأنها ممكن وبدرجة كبيرة أسترد الكرة أو في أسوء الحالات احاول اسوي فاول واعطـل المرتدة خصوصاً ان الونسو بطيء في تغطية المناطق الخلفية ونزعته الهجومية اكبر من النزعة الدفاعية

عبود قلبي ، لاس ممكن يؤدي هالدور ، لكن لو حسبناها صح ، هالدور سلبياته اكبر
خصوصا في هالايام ، اولا انك تمنع لاس من التغطية خلف المحاور وما تستغل
سرعته فيها ، ثانيا وهو سبب عدم نجاحها ان لاس اليوم صايم ، واعتقد انه احد اسباب
جعله يلعب في الثلث الاول من الملعب ، حتى لا يرهق زيادة ، دققوا زين ، ارجعوا
لشريط المباراة شوي ، لاس ما يقطع ، لاس ما يحتك يمشي بجنب اللي معه الكورة
وبس ، واذا جته الكورة يوزعها او يتحرك مسافة قصيرة ، لانه صائم ، ما يبي يتعب
بزيادة .

لاس لولا الصيام لشفناه يقطع كور كثير جدا ، في منها شي يكون سهل له ، لكن يخاف
من الاحتكاك وبطنه فاضي .

نجي للوسط الهجومي ، اعجبني كاكا كثير ، يلعب بسلاسة ، يبحث عن المساحة ، ينوع
تحركاته وتمريراته ، يحاول يرفع وينقص رتم الفريق .

رونالدو جيد ، خصوصا بعد ما سجل الهدف الى نهاية الشوط الثاني تمنيت تجي
شوتته في الشوط الثاني هدف ، لانه فكر صح ، وعدى صح ، وشات صح ، لكن
الحظ ما خدمه .

راؤوووووووووووووووووووووووووول ، بصراحة رغم اني اشوفه عله الا ان
اداءه اليوم توب التوب ، وياليته يستمر ، خصوصا في مسألة التمركز .

هذا اللي عندي الحين ، اذا خطر ببالي شي برجع اقوله ... فتكم بعافية