1- بالنسبة للمعالج وهو أهم شيء لازم انتل بنتيوم أصلي ولا تفكر في أقل من 2.8 جيجا ( انتبه اخوي لشيء اسمه ال BUS لايعطونك 433 لازم 533 أو 800 والاخير غالي شوي بس على الاقل 533 ) والكاش حق المعالج لازم 512
2- المذر بورد أنواع وأشكال على حسب حاجة الشخص أفضل الأنواع جيجابايت و MSI
بعضها يكون وسطه كرت صوت وكرت شاشة هذا أفضل للناس الي استخدامهم عادي للحاسب ، بعضها يكون مزود بكرت شبكة
اذا انت من الي يلعبون الألعاب القوية الي تحتاج كرت شاشة قوي يدعم الثلاثي الابعاد فلازم تاخذ مذربورد تقدر اركب عليها كرت الشاشة القوي غير الي الي موجود فيها ( بعض المذر بورد لاتستطيع تطوير كرت الشاشة)
3- الهارد ديسك : ويسترن ديجتال ألترا سبيد أو ( هاي سبيد) (7200) 80 جيجا ( كيف تعرف أنه هاي سبيد بتلقى في السيريال نمبر حرفين BB علشان محد يغشك ، خل البياع يبينها لك )
4- الرام DDR 256 ميجا والأفضل خلها 512 ميجبايت ظني اسم الشركة( سيبتك )
5- كرت الشاشة : الأفضل ATI راديون واذا انت تلعب ألعاب ثقيلة لازم 64 ميجا وطالع ألاحسن 128 ميجا
كروت الشاشة أنواع باسعار فعلا متفاوتة فيه شيء فيه TV IN and out بس هذا غالي بحوالي 600 ريال اسمه all in wonder لكن العادية ال 64 و 128 بتلقاها بس TV out يعني يمكن تطلع الصورة على التلفزيون 128 بتلقاه بحوالي 200 ريال وال 64 ب 100 ريال تقريبا
6- المودم والصوت مثل ماقال أخوي ملك الانترنت و عادة الصوت يكون 128 بايت بس انا أفضل أنه يكون جاي مع المذر بورد خصوصا ان استعمالي للصوت استعمال عادي مو حق ناس محترفين مثل DJ
هذا الي انا تعلمته من السوق وأرجو أني أفدتك