~ ~


عبدالله وانت وش دخلك في ميلان خلك على بلوزك هالمخيس وفي دوري الخنازير وحمى الخنازير وخلك بعيد عن الكبار [الكالتشيو]


والله أنا أنتظرك امس بالمقهى بس ما جيتا شفت المباراة انا ومشيت علطول



بالنسبة للمباراة

في الشوط الأول كان بدايته ميلان ماسك اللعب وخطوره من روني وباتو , لكن في منتصف الشوط بدت تظهر خطوره سيينا عن طريق ماركيوني والغزالي , إليين جا هدف للميلان عن طريق فاول لروني ألغي من الحكم بداعي التسلل ! يقول ان باتو لمس الكوره يوم روني شات الفاول , وانا اشوف ان الحكم كان كلامه صحيح ! بعدها بشوي شفنا هجمات وتسديدات من باتو الي كان مستلج امس استلجاج غير طبيعي وروني كذلك , جا الهدف الأول للميلان عن طريق باتو إثر تمريره رااائعه من رونالدينيو وباتو يهرب من مصيدة التسلل ويسجل الهدف الأول للميلان , بعدها بـ 6 دقائق هجمه للميلان تتخلص من دفاع سيينا وتخرج مرتده لسيينا ويسجل عبدالقادر غزال << الظاهر اسمه كذا لينتهي الشوط الأول بالتعادل الإيجابي بهدف لهدف


جا الشوط الثاني ميلان داخل المباراة وعينه على الفوز , ميلان من بداية المباراة يظغط يظغط يظغط إلييين جا الهدف البطل بطل بطل من باتو بعد تمريره من باتو إلى روني إلى فلاميني ومن فلاميني إلى باتو بلمسه وحده يسجل الهدف الثاني للميلان , وبعدها تستمر هجمات الميلان دون اي فائده , إلى أن يعلن الحكم إنتهاء شوط المباراة الثاني بفوز الميلان بهدفين لهدف

بعد نهاية المباراة صارت هوشه غير طبيعيه بين باتو وكابتن سيينا قاموا يتهاوشون وباتو معطيه اشكل ولا طق له خبر وذاك يبي يطق باتو بس اخوياه ماسكينه لين جا وصقع باتو من ورى [ كف حلاقه ] ويجيك روني يفزع مع باتو ويقعد يهاوشه ويتدخل الحكم ويفك بينهم ومدري وشلون لين الحمد لله انتهت الهوشه بسلام



هاه وش رايك يا عبود أنفع أصير بدال نبيل معلول !؟





مبـروك الفوز يا ميلانيه وعقبال الديربي

الوعد السبت يالإنتراويه قال ميلتو قال يا زينك يا باتو بس وانت تمصخر الإنتراويه واحد ورى الثاني [ فيس يناظر باتو وهو يسحب بكمبياسو وزانيتي ومدري مين 5 من لاعبينهم ] الله لا يبلاانا


pato وبس





آسف ع الإطاله









// حبــي وتقديــري //