~ ~


الله يعطيك العافيه يالغالي الغرناطي على صور المقابله مع الشيخ ناصر


بصراحه قصة إبعاد الشيخ ناصر أنا حاظرها وأتذكرها من أول يوم أبعدوه فيه , وانا أقولكم هالقصه شخصياً وانا أعرف مؤذن مسجد الشيخ ناصر وصديقي أحد زملاء الشيخ ناصر القطامي وهو متواصل معه بشكل دائم وهو من قال لي هالقصه بالتفصيل

القصة أن الشيخ ناصر جته فتره صار يغيب فيها كثير , لأسباب شخصيه والغايب عذره معه ! وفيه واحد من جماعة المسجد يقرب لزميلي هذا الي يعرف الشيخ ناصر , وهو له منصب كبير بالحكومه وعنده واسطه وظهر موب صاحي , المهم أن عائلة زميلنا هذا متبرين من هذا الي عنده منصب كبير بالحكومه لأنه شخص قذر استغفر الله , والعلماني يكرم عنده والعياذ بالله , المهم انه جا مره من المرات وصلى بالمسجد وصادف ذاك اليوم انه يوم صلى الشيخ ناصر ما كان مصلي بالجماعه , وهذا الوصخ لقاها فرصه وراح اشتكى على الشيخ ناصر عند عمامه وقال انه ما يصلي بالجماعه وانه ساحب على المسجد وانه يدعي أدعيه لك عليها [ يقصد يدعي للإرهابيين ] وطبعاً هذا كله كذب على الشيخ ناصر ويقول أنه مسبب زحمه بالحاره وسيارات وإزعاج وما فيه مواقف لبيوت الجماعه !

طيب يا متخلف وش دخل الشيخ ناصر بالزحمه !؟ هو صوته حلو والناس تحب تصلي عنده وتخش معه وش تبيه يسوي هو !؟

المهم أنه جا القرار علطول بإبعاده لمدة سنه + أنه ما يصلي بأي مسجد بالرياض ..! المهم كملنا سنه بدون أبو قطم ! وننتظر قرار رجوعه إلا أنه ما أدري وش صار والظاهر انه مُنع مَنع كامل من الصلاة بالمملكه !! وجته طلبات من جميييع الدول الخليجيه ما عدا السلطنه على ما اعتقد , قطر + الكويت + الإمارات + البحرين , وراح صلى عندهم السنه الي راحت في كم مسجد في الإمارات والكويت وقطر , وللمعلوميه الشيخ جايه عرض من الإمارات أنه يصير إمام + شيخ مفتوح + سياره + يزوجونه لو كان مهوب متزوج [ الشيخ متزوج طبعاً ] + فله + ارض + وراتب بملغ خيالي ممما شاء الله تبارك الله هذا الكلام طبعاً السنه الي راحت !

بعد مدة طويله يقولي زميلي هذا الي هو صديق القطامي , يقولي اتصلوا ناس على الشيخ ناصر قالوا نبغى نقابلك ! قال ليش ومدري وشلون !؟ قالوا نبغى نقابلك وبس ضروري , قال طيب واتفقوا على المكان وتقابلوا في مكان معين , المهم أنه سلّم على الشيخ ناصر وقاله والله العظيم لو تدعي علينا مره ثانيه وتصفنا بالإرهابيين والله أن نذبحك او نقطع راسك او ما شابه من هالكلام !! حسبي الله عليهم وبعدها مشوا والشيخ ناصر سكت عن الموضوع وما تكلم ولا شي !


وعاد حالياً الظاهر مثل ما قالوا الشباب انه بيصلي بالدول الخليجيه يا حظكم يا دول الخليج في أبنائنا نحرم من أصواتهم عشان واحد علماني قذر !!


للفائده هذا موقع الرسمي للشيخ ناصر القطامي فيه تلاوات وكل شي عن الشيخ

www.alqtami.com



أعتذر عن الإطاله






// حبــي وتقديــري //