الله يسلمّكم جميع ولايجيكم الشر يارب

نايف يعافيك يابعدي ومايجيك ولايجيكم

اما بالنسبة لـ اللباقة والكلام الذرب والسنع .. تراي من مبطي كذا بس العيال بالرابطة مشوهين سمعتي هههههههههههههههههههه

<< وش ذا اللي صدّق نفسه

الله يجزاكم خير ياعيال


نايف ( صورة قلب احمر )



بالنسبة للأخ الكريم : iRaied

المرض لاخطير ولاشي .. انا جاني ومافيني الا العافية

متى ماتم إكتشاف المرض مبكراً .. فإن علاجه سهل بإذن المولى عز وجل

بالنسبة لإبراهيم العبودي كاني منيب واهم هذا اسمه صح ؟

هذي منيّته وهذا يومه وانا اخوك .. لاشميسي ولاغيره يبي يحميه لاجاه يومه

لكن أذكر تحاليله لما سواها طلبوا يعيدونها مرة ثانية من المختبر جاتني الأوراق وتم إبلاغه الله يرحمه انه يجي ياخذ عينه ثانية وفعلاً جاء واخذ عينة ثانية
بعدها بيوم او اثنين جات تحاليله وانا شخصياً عصر ذاك اليوم اتصلت على جواله لقيته مقفل وبكرة انتقلت مسؤولية ابلاغ المرضى من قسمنا " الإسعاف " وبعدها بيوم او اثنين جاني خبر بوفاته الله يرحمه

عموماً رحمه الله واسكنه فسيح جناته

أما بالنسبة لأختك الكريمة

سابقاً كان الكشف في الإسعاف لكن الآن فيه عيادة خاصة من اسبوعين تقريباً مفتوحة 24 ساعة .. ومش معقولة يقولون لها روحي ولما تنزفي او تنتفخ بطنك تعالي !!
تلقاها مشتبه فيها كـ مريضة والإشتباه مايعني المرض .. ونظراً لإزدحام قسم العزل في المستشفى بالمرضى فـ صعب يعزلونها وهي مشتبهه ومايعزلون مرضى اخرين فيهم المرض .. وان خلوها تجلس بالمستشفى ممكن تلقط العدوى وهي اساساً مافيها
وماادري اختك الكريمة جت قبل او بعد وفاة العبودي الله يرحمه ؟؟

كانها جت قبل .. فـ عادة يقولون لها روحي اعزلي نفسك وخذي العلاج ولما تحسين بأي تعب زيادة ارجعي المستشفى على طول .. واول ماتطلع النتايج يبلغون المرضى فورياً بالنتائج سواء كانت سلبية ام ايجابية

اما كانها جت بعدها الأسبوع اللي راح .. فـ من الإسبوع اللي راح وفيه عيادة جديدة للمرضى ماعندي خلفية عن طريقته تعاملهم لأني في إجازة عسى الله يهنيني




عموماً ماافي احد منزّه عند الخطأ والله يحاسب المخطين

لكن مسألة بساطة المرض من صعوبته ذي انا اللي اعطيك العلم بما اني اشوف الحالات يومياً وبعدد ماتتخيله

وبما اني اصبت واصيب 3 من اخوياي وتشافوا ولله الحمد

وأبشّرك

واحد منهم عزلناه بالبيت والحين مافيه الا العافية