نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ..:: ][ أنــت الــمــ( ٣ )ـــدرب ][ لوتشيانو سباليتي ][ ::..

iq1399 · #1 22/08/2009, 01:58 AM

فكـرة : {النمر15}
تطوير : مشرفي و إستشاريي الرياضة العالميّة
iq1399 : تقديم العدد الثالث

يالله حي الجميع .. حالفن ماحد يقوم

..مبارك عليكم الشهر الكريم والله يعييننا على صيامه وقيامه ..

موضوعي اليوم مهوب جديد عليكم .. وهذا العدد الثالث منه .. الموضوع بيكون للحديث عن مدرب ونستعرض خطته ومقومات نجاحها .. ومدى نجاح الخطه
المطلوب منكم تكونون انتم مكان المدرب ،، وتختارون الخطة المناسبة للفريق .. وطبعاً تتكلمون عن استراتيجيتكم بتنفيذ هالخطة .. واكيد بيكون فيه نقاش ومن خلال هالنقاش بتظهر امكانيات الاعضاء التكتيكيه ومدى فهمهم لمهمة التدريب

الاعداد القديمة كانت عن المدربين هذولا

~ أنت الـمـدرب ~ (( 1 )) ~ كـارلو آنشيلوتّــي ~
..:: ][ أنــت الــمــ( 2 )ـــدرب ][ ::.. فرانك ريكارد

في هالمواضيع وخصوصاً في موضوع ريكارد .. طلعنا بأفكار مميزة تدل على دهاء وخبث كروي كبير يتميز به اعضاء الرياضة العالمية
وعشان اضرب لكم مثال شوفوا ردي هنا
وفعلا هذا اللي صار في البرسا اعتمدوا بشكل كبير على تشافي و انيستا وحصلوا على الثلاثيه
وبعد باعوا ايتو بناء على توصياتي

<---- اطلع برا

..::][ لوتشيانو سباليتي ][::..

لوتشيانو سباليتي .. مدرب وعنده فلسفة معينه بالتدريب ..
فاز بجائزة احسن مدرب بـ الكالتشيو اللي تسمى " المقعد الذهبي "عام ٢٠٠٤ - ٢٠٠٥
وكان بذاك الوقت مع نادي اودنيزي ..
وحصل سباليتي على الجائزة بعد تصويت شارك فيه مدربين اعضاء في الاتحاد الايطالي لمدربين كرة القدم.
وكان سباليتي وصل الاودني للمركز الرابع في عام ٢٠٠٤ وبكذا تأهل اودنيزي لدوري ابطال اوربا لاول مره بتاريخه
وبعدها ترك سباليتي أودينيزي في نهاية الموسم 2005 ومسك تدريب فريق روما في 17 يونيو 2005 وفي موسم 2005-2006 نقز لنا سباليتي باسلوب جديد بالتدريب وهالاسلوب ترك له بصمة خاصة مع روما بأعتماده على اللعب بأسلوب اللعب بدون مهاجم صريح مع تكثيف خط الوسط ..
وللحين يقدم مستوى حلو مع روما .. اذا عرفنا نوعية اللاعبين الوجودين نعرف كيف وظفهم سباليتي بشكل مجنوون
حقق نجاحات مع روما قادة لاحراز ثلاث بطولات ( اثنين كوبا إيطاليا مع الشطة

وحبة بطولة السوبر بالجبن

)
وكمان وصل روما لوصافة الدوري الايطالي لثلاث مرات ورا.. وبعد وصل لربع نهائي دوري الابطال بموسم ٢٠٠٦ - ٢٠٠٧ و ٢٠٠٧ - ٢٠٠٨
باقي تعرفون ان سباليتي قد درب نادي سامبدوريا ونادي امبولي

..::][ خطته ][::..

هذي خطة سباليتي اللي غالبا يلعب فيها .. هي خطة حلوة وراكبة على نادي روما .. ولا اخفيكم اني اعشق الخطة هذي إلى درجة اني أتمنى بس اكون مدرب عشان استخدمها
اساس هالخطة هو تقارب المسافات بين لاعبين الوسط وتكثيف هالمنطقة لان دايم يقولون اللي يمسك الوسط يمسك المباراه , طبعا مثل ماتشوفون ان الوسط ٥ لاعبين
ولتطبيقها بالشكل المطلوب لازم يكون عندك مهاجم سريع او مهاجم قناص
بالاضافه انك تملك لاعبين يقدرون يسددون من خارج من خارج منطقة ١٨
وهذا بالفعل اللي يملكه نادي روما بوجود دي روسي وتوتي وبيزارو

وللخطة رسم ثاني واللي هو

٤ - ١ - ٤ - ١

هجوم

--------- وسط متقدم

جناح -------------- جناح
وسط
محور
ظهير -------------- ظهير
قلب ----- قلب
حارس

..::][ حط نفسك مكانه ][::..

غالبا وحنا نشوف مباراه سواء كانت لفريق نشجعه او لا .. نقول المدرب المفروض يسوي كذا والمفروض يدخل فلان ويطلع فلان .. او نقول اصلاً التشكيله من الاساس خطأ ..
هذا المطلوب منكم بالضبط .. تخيلوا انكم في الملعب او في تشوفون مباراه بالتلفزيون ،، وحط نفسك مكان المدرب
حاول تختار التشكيله المناسبة وطبعاً لا تنسى امكانيات النادي من خلال نوعية اللاعبين او وظروف الفريق من اصابات او ايقافات ..

اختم الموضوع بنفس خاتمة الموضوع الأول

كابيلو - ليببي - فيرغسون - فينقر - اريكسون - كويمان - شوستر - ريكارد - هوزفيلد .. وغيرهم من المدربيّن رغمَ كل ما يقدموه للتدريب .. إلا انهم بالأساس بشرٌ مثلنا لديهم عقول .. ولكنهم يستخدموها بذكاءٍ حاد .. ننتظر مشاركتكم وتفاعلكم .. ونعيد التذكير أن مثل هذه المواضيع لا تنجح إلا بـ مشاركاتكم الهادفة .. كما أننا نودّ التأكيد أن الموضوع للنقاش و تبادل الآراء .. وليس للشكر فقط .. والردود من هذه النوعية سيتم حذفها مباشرة ً بإذن الله .

معليش طولت عليكم .. يالله اترك المايك لكم