صباح الخيرات والليرات

إقتباس الرسالة الأصلية كتبت بواسطة هلالية أبوها أتحادي ليس الخطاء في ذلك بل الخطاء هو جمعها في مسلسل واحد قافزا بها داخل ( أسوار) المجتمع السعودي في حاله انعدام توازن قوى فمثل مايتم تصوير السوء في أي مجتمع كذلك يجب تصوير الجيد بجانبه لعمل موازنة في الجانبين احتراما لذائقة المشاهد والمتلقي

بالنسبة لما هو بين ( ظفرين ) في موضوعك << مسوّي عصام الشوالي

مسلسل اسوار عبارة عن ( كاريكاتير سامج ) لواحد اعتبره ( أبثر ) الممثلين وأثقلهم طينة

لاتنسين انه هو البطل وهو المنتج وهو اللي يطلع باوقات التصوير يجيب بيبسي للممثلات وصحون ورق عنب

يعني الرجال صاير ( محمد صبحي ) على غفله

ولولا هالاثارة الرخيصة اللي يقدمها في مسلسله... كان مالقى قناة تسوّق له... وكل ساقط له لاقط

وترى هالمشكلة اللي تطرقتي لها.. مو عندنا بس

حتى بقطر والكويت... لما اتفرج على مسلسل قطري احس ان نص سكان قطر بالسجن والنص الثاني في مصحّات نفسية

وطبعا الشعب القطري مو راضي عن هالتزييف ومسخ الهوية اللي قاعد يصير

ونفس الشي في المسلسلات التركية لكن بالعكس

اللي يتفرج عليها يحس ان الشوارع بتركيا كلها مشاهد رومانسية .. بكل راس شارع واحد شايل وحده ومستلمها ( شفشفه )

لكن لو تروح لتركيا ماتشوف الا معلمين الشاورما وكل واحد يمشي ماسك الساطور بيده

دوتس -->