اخوي لزقة


ياخي انت على اسمك تنحط على الجرح بس مايبرى


الزبدة شوف ... انا اكرهـ الميلان لكن عندك نيستا و كاكا حقيقة فوق النقد وفوق كل شي ...


مالنا دخل في نيستا الحين ,, ابتكلم عن كاكا ,,


ارجع لموسم 2007 وشف كاكا وش سوا مع الميلان ... الميلان الله من الدجة هاك الموسم لكن بالابطال ما انساها


ما فيه الا كاكا مشتغل ويمكن اجتهادات من رجل الكهف "جاتوزو" + نيستا ,, ولا كاكا كان له 70% من قوة الميلان الهجومية ,


وفي دور المجموعات لعب 6 مباريات وجاب 5 اهداف


مع الأخذ بالحسبان ان كاكا ليس بمهاجم صريح ولا مساند وانما يؤدي ادوار كـ " صانع لعب "


هو اللي أهلهم قدام سيلتك بدور الـ16 بعد الملاعن في الذهاب وفي الاياب جاب هدف الفوز بالاضافيات ,,!


وقدام البايرن بدور الـ8 جاب هدف في الذهاب وصنع هدفي الفوز ان كاني منب واهم بالإياب ..


اكمل واقولك وش سوى كاكا في المان في نص النهائي ولا تعرف وش صاار !?


وفي النهائي قدام الليفر .. صنع لك هدفين على طبق من ذهب لانزاغي اللعين ...


وبعد كذا كاس العالم للأندية


الزبدة ان كااكا لاعب مُحترم وخلوق ورغم الانجازات اللي حصل عليها ما رفع خشمه ,, خلنا من هذي ما حنب مزوجينه


المهم ان كاكا لاعب لا يختلف عليه اثنين سواءاً مُحب او كارهـ لـ كاكا


صح نسيت اقولك ,, تقولي كاكا ماعنده مهارات ولا سرعة ,, بسألك ان كانك تعرف نواف التمياط


قد شفت له مهارة غير المراوح ولا حركة زيدان اللي يلف على نفسه ?


هذي كاكا يسويها ,,, ولاتجيني تقول منهو نواف التمياط


عموماً .. اذا ما اقتنعت برأي ميلاني فـ خذهـ من شخص مُحايد وبتعرف الواقع وش يقول


وسعت صدري اخوي لزقة على هالظهرية اللي يوسع صدرك




.
.