مشكووووووووووووور على الموضوع اللي يوسع الصدر والله يازين ايام المدرسه فرق بينها وبين الجامعة


هذي السالفة صارت لخويي يوم كان بخامس الاخ جديد بالمدرسه الاستاذ غايب دخل عليهم الوكيل وقال لا احد يطلع الاخ مات من الخوف وشوي الا يبي يروح الحمام وماسك نفسه ويقاوم اللين ما سواها على نفسه وهو يركض للحمام وبعدين قعد يصيح جاه الوكيل وقاله السالفة وراح وغسلوا ثوبه وعلقوه لحد ما ينشف ولبسوه ثوب يسحب بالارض طبعا عيال الفصل ماغير يمرون من عنده ضحك عليه وطنازة هع هع هع هع هع


وصارلي موقف في اولى ثانوي <<=كانت ابو الرجه عاد نا كنت ابو القلق بالفصل واللي يغطي على ازعاجي اني اشارك وتفاعل وهذا خلى اخوياي يشكون ان فيني جيني يشارك معي<لاني اقعد اسولف معهم ويقومني الاستاذ ويسالني واجاوب وينتفخ ويقعدني >من دجه والله المهم جايب لخوياي مفاجاة بتعجبكم بس ننتظر الادب الاخوان تفاعلوا مع المفاجاة المهم وتجي حصة الادب وطلع كيس مشكل مكسرلت وفصفص وترمس شاهي وسوالف وحنا بكامل الحماس الا ويطب علينا الوكيل ومعه كم مدرس وتفتيش في هذي الحاله تجمدنا ودخلت العفش كله بشنطتي الظهر <<=تراها فاضيه من الكتب المهم ويبدا التفتيش يجي قدامي الوكيل وقال اتمنى اني اشوف اغراضك قلتله حياك رح شفها وفيني ضحك الاخ بينصدم <لاحظ فيه ثلاث مراقبين وكلهم يتمنون يشوفون شنطتي>تخيل خلصوا تفتيش وطلعوا ولا واحد شاف شنطتي قعدت عليهم ضحك يبونها ولا احد شافها عاد اجوياي ما غير يقولون جنيك اعماهم هع هع هع هع


في ثاني ثانوي كنا منتهين كنت جايب معاي قيم بوي دي اس ونسجام كلي مع العبة الا يطب على الاستاذ عطني الجوال انا من الروعة قمت لحد الباب وكل القراشيع اللي على طاحت شريط العاب وقلم اللمس وادخل القيم بوي بجيبي واقوله ما عندي جوال وش تبي انت وخيرني يا اني اطلع ولا اعطيه الجوال قلت ابطلع قال خلاص اجلس بس لا تلعب بالجوال قلت ايه طيب بس يا اني ارعت روعة مب صاحيه
واذكر بعد في ثاني ثانوي اني ما قد دخلت حصة انجليزي الا اني مطرود او منحاش اذكر لحد اللحين المفروض اني اكتب تغيبين لحد اللحين ما كتبتهم

ايه بعد تذكرت في الفيزياء كنت انا وخويي كنا نلعب يحوان جماد وانا في قمت التحمس على انه فيه صجة بالفصل الا ان صوتي كان الاعلى وانا اقول اســــــتــــــب حتى الاستا تروع ونز وهو يشرح ولا ويطلعني برة للمدير علطووووووول <<<=اكيد الروعه مب بلاش ويمسكني الوكيل عاد كان صديقي المهم ويوديني عند المدير وكان عنده اجتماع على حظي عاد ما دخلني عشان ما يعصب الاستاذوخلاني عنده اخلص له اشغاله
وبس احس اني طولتها