---
ضيدان والعتب

بهذه القصيدة ضيدان يعاتب من جهلة او انقص من قدره وهذا العتب لايخلو من فخره بنفسه

نترككم مع قصيدة

((ما خلقت اعيشها عيشة هواني))
الله الواحد ولا الله ثاني ;وحده عبد سجد قلب وعقيده
مومن يصبر ليا جار الزماني ;في رجا اللي مدته تغني عبيده
وان تحداني زماني و احتداني ;للدروب العوج والكف الزهيده
شمت عن باقي حياتي في ثواني ;والجسد لابد ما للدنيا تبيده
ما خلقت اعيشها عيشة هواني ;يا عسى روحي وروح ابي شهيده
ولا ياما روح الليل وسراني ;و كم سريته غي و احلامي سعيده
و كم خذا مني الزمان و كم عطاني ;و كم قصر يمناي عن شي اريده
ما سـألته لو بعد جار و خذاني ;الا عن عمر غدا وشلون اعيده
لي على الدنيا ثلاثين وكفاني ;منها العشر الاخيرات الشديده
علمتني كيف اوقف ولا دهاني ;ما دهى سعدون فعقاب وعضيده
علمتنني كيف لا ماتوا اخواني ;و مات ابي و الكف ما تصفق وحيده
كيف اوقف و اتشهد في مكاني ; و اثبت بيوم عسى الله ما يعيده
يوم لحق العلم الاول علم ثاني ; والحق والحظ...الفقيده بالفقيده
آه من شي على قلبي كواني ;لين وقف دم قلبي في وريده
والشجاع الي وطاه اللي وطاني ;عزتي له لو بني عمي عبيده
يابني عمي عريبين المجاني ;ياهل الوقفات والارياء السديدة
يا سلايل من يروون السناني ;لا قدح حد الحديدة فالحديده
علموا السبع عن سهيل اليماني ;الفريد اللي مطاليعه فريده
وعلمو اللي يحسبن ضيدان واني ;يا عوينه كان ذا حده وجيده
وقولوا اني فالرفاع من الطماني ;وكل درس من حياتي مستفيده
ان ثقل حمله فانا الهرش العماني ; وان تربق فالقيود افك قيده
و علموا اللي لاصفت الايام جاني ;وفالرخا يسوى ثلاثميه بديده
وان قست الايام شفته ما يداني ;مترف ماله على الرمضا كببيده
وعلموا اللي يوم زانت له نساني ;لا يحسب اني ليا من صحت ميده
يوم اصيح ...اصيح للي لا غشاني ;نفحه منه تذكرت القصيده
وان تناوشت القلم والليل داني ;ماغدا لي من شرايدها شريده
والله ان اغلى القصايد في كياني ;فالملك عبدالعزيز ...وفي حفيده
الكريم اكرم كريمين اليماني ;الشجاع اللي له امجاد تليده
الفعل هو عنتره والغيهباني ; والكرم هو حاتمه وابن مهيده
ابلج من دون سياه الحساني ; رايته عليا ونظراته بعيده
أذكره لا لفني الوقت وطواني ;واعتزيت وكل قلب صار حيده
واتذكر لا قسى الوقت و رماني ;في دروب التهلكه والدرب سيد
اتذكر بسمته و العمر فاني ;وجود كفيه ومساعيه الحميده
ذاك ابو عبدالعزيز اللي كساني ;بالجمايل من قديمات و جديده
أشهد انه قصرنا زين المباني ;من حداه الوقت شوفه يوم عيده
درعنا اللي فوق الامتان امتحاني ;ضافي هجل مقاضيبه جويده
وسبفنا اللي لا تولى الضد لاني ;في نهار ياقف الضد لضديده
عدنا هداج لا اجدب كل ساني ;كن مورادنا على جاله تزيده
لفخر للفيصلي ريف العواني ;خالد اللي يكسب الطالات بيده
ياهل التاريخ جزلين المعاني ;يالرجال اللي مصادركم وكيده
انشدوا منهو الحصان ابن الحصاني ;ومن زعيم الطيب ولا من عميده
عن حفيد موحد الدوله وباني ;مجدنا اللي باربعينه مستعيده
اشهد ان الجد شرف يوم باني ;واشهد ان العود عقب له وليده
ياطويل العمر وقف لي تراني ;كان ما وقفت لي طحت النضيده
موقفك ما هوب لفلان الفلاني ;وعن مقام الذيب ما يغني وليده
بيض الله وجه من وقف عشاني ;ساعه كل طرف بشته قعيده
والا انا لله شكري وامتناني ;ثم ملكنا ثم حكومتنا الرشيده
سيدي يا سيدي لو كان اعاني ; ما درت الاذن القريبه والبعيده
وان وصل صوتي لصقهان الاذاني ;كيف اصب العلم فقلوب بليده
في كتاب الاصفهاني للاغاني ;خير مما في المجلة والجريده
و الشعر لو تحاكيته حكاني ;موهبه من واحد يصدق وعيده
ان بغيت ادلعه قمت و زهاني ;و ان بغيت أطوعه عمه و سيده
وان بغيت يقال : صح الله لساني ;سعد من (( خالد ))على الدنيا رصيده


---
...بدون مقدمات يقول الشاعر ضيدان بن قضعان

لعيونك السود جيتك رافع راسي
شيخ خذا ثار خاله من ولد عمه
لعيونك اقبلت لاذاكر ولا ناسي
بعت الحياة وشريت الموت با القمه
لعيونك اللي نفتني لكن احساسي
عيا يصدق......عيون مالها ذمه
جيت اقتل الذل وأسكن قلبك القاسي
ظميت واوفيت وجيت ادور الضمه
يا بنت انا طحت لكن طحت متواسي
ولا زلت لرضاك لا شرق ولا يمه
لو يوم عنك يسج القلب متناسي
عهد علي لقتله واسقيك من دمه
يا بنت انا ينتخيبي ساسي الراسي
وإن مامدحني قصيدي ليش ماذمه
يا بنت بشتي وقدي وأعرف اقياسي
واللي حكى فيه ضميني على غمه
يا بنت لو قيمتي في مظهر لباسي
كسيت ثوبي ذهب من كمه لكمه
عزيز نفس وغرورك ماطوى ياسي
ولعيونك السود جيت بحزم وبهمه
يا فرحتي يا ربيعي وأهلي وناسي
البيض خالات كل الزين وأنتي أمه


----
هذه القصيدة نجدها ربيعاً للابداع,, ونجد فيها كثيرا من التصاوير والاخيلة الشعرية

واترككم مع قصيدة ((الذنوب))
الذنوب لرحمة الله يا خلف خالي و جدي ****و الخطايا للعفو من قبل تنفيذ العقوبه
و انت لو تخطي علي و تقول ما هو بودي ****لو قبلت العذر نوبه ما قبلته كل نوبه
و العذر ياللي عليك أخطيت في مزحي وجدي ****ما يساق الا على شرواك والناس محسوبه
و الغلا اللي ساقني صوبك و يدي فوق يدي ****عيبي اللي تجهله والرجل ما يجهل عيوبه
و الظلام اللي سريته لين ضعت وباح سدي ****ذاك ليل من سراه و ضاع ما حسب ذنوبه
ليت لي مثل ما للكفيف من المقدي ****كان ما شيدت بيت الحلم طوبه فوق طوبه
و ليت لك منه مثل ما للضعيف من التحدي ****كان ما طاح الشجاع اللي ستر جرحه بثوبه
آه من كثر الخطايا و الظليمه و التعدي ****و أنت عذرك ماء البحر و الملح و أسباب الرطوبه
لو شربت من البحر في طاعتك و أنهيت صدي ****كان يغني عن شمال الساحل الشرقي جنوبه
و لو أقول ان البحر مثل الهوى ما هو بقدي ****ما قدرت أقول قلبي تاب و أعرض عن دروبه
و لو أتوب من الذنوب اللي جنت الأيام ضدي **** ما قدرت أتوب عن ذنب يعن القلب صوبه
كيف أتوبك يا أجمل ذنوبي و أوقف عند حدي ****و أنت ذنب لا غفره الله و لا لي عنه توبه