| أخوي حبيت أرد على موضوعك اللي عجبني الصراحة
الآن لو تشوف عزيز موقف من قبل الجهاز الفني من راح يكون البديل المميز له واللي يقدر يغطي مكانه غير رادوي
سؤال هل تتوقع أن البرقان الذي أبدع مع الإتفاق في الموسم الماضي سيحل محل عزيز ويغطي مكانه أم أن رادوي أحق من البرقان وسيغطي مكان عزيز وبقوة وربما كان أفضل من عزيز في التغطيه
وبالنسبة للمهاجمين ياخوي عندك الصويلح وياسر والمحياني والعنبر وش تبي أكثر من كذا والله وهذاني أحلف لك مع تطور مستوى العنبر ورجوع الصويلح كما كان سابقاً لن يقف في وجهنا أي فريق
وللمعلومية الآن من عندك في السعودية مهاجمين مميزين غير الموجودين بالهلال أجل عاجبك أبو 33 مليون ( بلنتي )
الحين العنبر لو يروح للشباب ولا الإتحاد أسألك ماراح يكون أساسي عندهم ولا الصويلح لو يروح لأي فريق سعودي أو المحياني والله لو يروحون كان على طول يطقونها أساسي
يكفي الإعداد للموسم إعداد ممتاز من خلال معسكر مميز وأرجع لنا لاعبينا إلى مستوياتهم مثل الشلهوب والصويلح والعنبر ولكن نضع ألف علامة إستفهام حول مستوى ياسر
أجل بسألك تقارن طلال المشعل بالعنبر والله ان العنبر أفضل منه بمليون مره ولاتقارن هزازي بالصويلح الصويلح في ضل رجوعه لمستواه الحقيقي أبصم لك بالمليون راح ياخذ هداف الدوري بلا منازع إذا ماجته إصابة لاسمح الله والله يكفيه شر الإصابات
وللمعلومية فقط أبوشروان مكانه نفس مكان ويلي وللمعلومية أفضل محترف هلالي في الموسم الماضي هو اللاعب ويلي من خلال إحرازه لـ 8 أهداف وصنعة لأكثر من 15 هدف هلالي
وبالنسبة لنيفيز يكفي انه عنده قدم قوية وراح يفيدنا بالنسبة للكرات الثابته وأيضاً هو يلعب في عمق الوسط وأكثر شيء يلعبه هو صانع لعب مهاجم مثله مثل رونالدينهو أو كاكا
وفي بعض الأحيان لو انزنقت تقدر تدخله مهاجم راح يفيدك وبقوة بعد
اتمنى أني وضحت كل وجهة نظري وإقتنعت فيها
والوعد مباراة القادسية راح نشوف زعيم الأنديه كيف يلعب وغير كذا فيه فرصة للتعديل من خلال فترة التسجيل الثانية
وقبل الختام فيه نقطه بقولها لك أنت تقول الشباب ضعيف دفاعياً ولكنه قوي هجومياً والدفاع عنده لو كانو في الهلال كان على طول تنسيق
ولكن أنا أقول في الفريق الهلالي لابد من التنسيق بين الهجوم والدفاع ولو لاحظت خطة المدرب راح تلقا فيه توازن كبير في الخطوط من الحارس إلى رأس الحربة
وأيضاً فريق الشباب متوازن من الناحية الدفاعية والهجوميه وعنده خط دفاع قوي يكفي حسن معاذ والشهيل وعندك ماجد العمري وعندك القاضي كل هذولي مميزين
ولكن الإتحاد هو اللي تقدر تقول عنده ضعف في الناحية الدفاعية في ضل هبوط مستوى المنتشري وبطئ تكر والمولد في سرعة تخليص الكوره واللحاق بالمهاجم
ولكن عنده قوة في الناحية الهجومية مثل ماهو يسجل أهداف ترا يدخل مرماه مثل الأهداف اللي يسجلها أو أكثر ولو لاحظت الإتحاد الموسم الماضي في مباراته مع الرائد باالغ كثيراً في الهجوم ولعب بثلاثة مهاجمين والرابع خلفهم مباشرة
وشوف كيف انهزمو من الرائد بالأربعه فالمبالغة بالناحية الدفاعية قد يكلفك الكثير وربما يدخل هدف مفاجيء ولاتستطيع تعديل هذا الهدف
وأيضاً المبالغة في الهجوم قد تكلفك الكثر فتسجل هدف ومن ثم تبالغ في الهجوم وتفتح اللعب لخصمك فيسجل عليك أهداف وليس هدف تعديل فتكون هناك حفلات ومسرحيات من الأهداف التي تطعن في قلبك
ولكن الموازنة بين الخطوط الدفاعيه والوسط والهجوم هي من أفضل الخطط اللعب بمهاجمين واثنين صناع لعب واثنين محور وأربعة دفاع اثنين قلب واثنين أظهره وواحد حارس
وإذا احتجت للضغط على المنافس وشفت إن المباراة راح تفلت من يدك أدخل لاعب وسط مهاجم بدل للمحور الثاني والعب بمحور واحد وشوف من هو اللي نازل مستواه من رأسي الحربه فطلعه ودخل بدالة رأس حربه آخر لتجديد الدم
ولان الجديد راح يدخل وكأنه يلعب مباراة من بدايتها وعلى كذا خلصنا وإذا شفت انك ملكت المباراة وتقدمت بأكثر من هدفين على الفريق المنافس دخل بدال واحد من صناع اللعب أو المهاجمين لاعب وسط محور
وبكذا راح تحصد جميع البطولات بإذن الله خاصة انه إذا كان عندك خط إحتياطي قوي
ولكن أبغاك تددق في خطوط الهلال الدفاعية والهجومية وراح تعرف من هو هلالك ولن يقف في وجهه إتحاد ولاشباب ولاغيره إن شاء الله
وأفضل لك تغنى بفريقك ولا راح تندم خذها مني
لك ودي واحترامي دمت بسعادة  | 