بـسم الله الرحمن الرحيم ..


الســـلام عليكم والرحمه ..


في البدايه .. احب ابارك للجميع بمناسبة قرب الشهر الفضيل اللهم اجعلنا من صيامه ..



انا في الفـــتره الاخيره لاحظت على معظم الزعماء انهم مايعجبهم اي شي تسويه الاداره ليه مدري..

في البدايه ... تعاقدنا مع الاي آر تي وتم التوقيع والى الآن نطالب بالجزيره ؟ خلاص نرضا بالمكتوب ونشوف وش بتسوي الآي آر تي في الموسم الجاي بعدها نحكم ..


ولاتنسون ان الفراج في مقابلته مع شبيه الريح الموسم الماضي اعترف انهم ضلمو الهلال ورد عليه سمو الامير بانها ستكون صفحه جديده باذن الله ..

وهنا احب اسأل الامير عبدالله الله يحفظه .. هل سيكون من ظمن بنود العقد حفظ لحق النادي وجمهور الهلال .. من ناحية الاخراج او احيانا عدم بثهم لمباريات النادي . وهل لو وقعو في مشكله سيعوض الجمهور الهلالي ؟

ثاني شي ... راح التايب بعد ماكان مقطع الشعار تبويس ويوعد انه راح يعتزل في الهلال وماراح يلعب لغيره في المملكه في النهايه وقع لنادي الشباب ... ولازلنا نطالب الاداره بحفل تكريم له ...!


السؤال .. لو كرم التايب ماهو موقف ادارة نادي الشباب ولاععب ناديها يكرم من نادي منافس .؟

ثالث شي .. طقم الهلال قضية اليوم .. الاداره حطت لون ابيض على الكم الايسر وحطوها سالفه .. واللون الثالث مابعد طلع الى الآن .. واللي قال اسباب سياسيه واللي قال انها اقتصاديه والله عالم غريبه . ...!

السؤال هنا .. من اللي بيجيب الاهداف الطقم ... ولا اللاعب اللي لابس الطقم ..؟

وماننســى قضية عزيز رغم تدخل الاداره وحسم المرتب الا اننا لازلنا نطالب باكثر من ذلك يعني وش باقي اكثر من عقوبة الاداره له .. ماباقي الا انه ينسق .. !

اتمنى من جميع الجماهير الواعيه عدم الالتفات الى مواضيع المندسين التي تهدف الى الشوشره بين جمهور النادي والاداره عن طريق مواضيع ليس لها اهداف سوى الافساد .. فنحن نمثل الموقع الرسمي لنادي الهلال ...

واحب اختم كلامي بـ خلو الادارة تعمل براحتها .. ونشوف نتاج العمل في ختام الموسم .. اللي اتمنى انه يكون هلالي 100% ..

تقبلو تحيتي .. اخوك : الفــهــد ..