بااااااك

زي ماذكرت قبل بتكون لي رجعة بتكلم فيها عن المباريات



هـ الفريق كنت أحترمه .. لكن بعد ما تعاقدوا مع هانت شكلي بحقد عليه

بداية بتكون سهلة إن شاءالله للفريق .. ما ننسى البداية القوية لـ هال سيتي الموسم اللي راح .. لكن ما اتوقع تتكرر هالموسم .. عندهم مدرب ممتاز ولاعبين جيدين زي بولارد و بواتينغ و جيوفاني .. لكن عندي احساس ان الفريق بيبدا بداية سيئة و يمكن ينافس ع الهبوط

تشيلسي لازم ينتبه أنشيلوتي لأخطائه في مباراة المانيو و يعدلها .. عدلها في مباراة المان لكن أتمنى ما يبدأ فيها اليوم مع اختلاف الفارق بين المانيو و هال .. اللعب بـ ميكيل و إيسيان بنفس الطريقة اللي انتهجها بإعطاء إيسيان مهام هجومية من الجهة اليمنى بشكل أكبر كان خاطئ و كان إيسيان وقتها سيء لكن في الشوط الثاني عدلها بإخراج ميكيل و إعادة ايسيان للمحور و إدخال بالاك

ودي أشوف هالتشكيلة اليوم

تشيك

آشلي .. تيري .. كارفا .. إيفا

إيسيان

.......... بالاك

مالودا .. لامبارد

دروجبا .. أنيلكا

بالتوفيق لـ تشيلسي و إن شاءالله تنتهي المباراة بفوز تشيلسي و أتوقعها 4 - 0 لـ تشيلسي

نبي إفتتاحية قوية يا آنشي



أحس ان الجميع ينتظر هالمباراة .. الكل يبي يشوف وش بيسوي السيتيزن بعد هالتغييرات الكبيرة في الفريق .. مارك هيوز مدرب متمكن و يقدر يخلق تشكيلة مميزة للفريق .. و أتوقع بتكون تشكيلتهم كذا

غيفن

بريدج .. دان .. توريه .. ريتشاردز

باري .. دي يونغ [ كومباني ]

إيرلند

روبينهو .. أديبايور .. تيفيز


بصراحة قائمة لاعبي السيتيزن قوية .. بفر بعد شوي على اصاباتهم لأنه في حال تواجد بيتروف و جونسون و عدم اصابتهم بيكون الفريق أقوى و أقوى هجومياً الله يستر منهم بس

هالمباراة لازم اتابعها لعيون دي سانتو



ما أمدى الدوري يبدأ الا و مباراة قوية جداً .. مباراة تستحق المتابعة .. آرسنال أعتقد انه بيكتسح في هالمباراة .. ما أدري ليش أحس ان ارسنال هالموسم بتكون له كلمة قوية في الدوري !

إيفرتون فريق مهوب سهل بعد .. بس الغريب ان النادي إلى الآن ما دعم صفوفه بأي لاعب .. هذا مهوب مهم في هالفترة بقدر أهمية الابقاء على اللاعبين و أولهم لي سكوت .. الفريق جدد عقود عدد من لاعبيه مثل جاجيلكا و تيم هاورد و يوبو .. و هذي خطوة مهمة .. باقي لي سكوت و كم تعاقد في الوسط لأن صعب الاعتماد على ارتيتا في ظل اصاباته !



أقول يا حظكم يا المانشستراوية ناس تبدأ الدوري بالغول و ناس تبداه بـ أبوخالد يالله آخر سنة نتحمل فيها الغول و إن شاءالله ما عاد نشوفه في الانجليزي أبد

مباراة مهمة لمانشستر .. غيابات بالجملة [ سار - فيديتش - ناني ] و مدري من بعد .. يعني الفريق فقد لاعبين مهمين في مراكز حساسة و بيواجه فريق صاعد .. مهوب جديد على الدوري لكن أكيد بيلعبون مباراة حماسية و بيحرجون المان فيها .. بس في النهاية المان بيفوز و العلم عند الله

بالتوفيق لبيرمنجهام



يا ليييييييييييييييييييل قايل لكم هالانجليز ناوين يجلطوننا ثاني مباراة قوية و قوية جداً بعد .. السبيرز و الريدز مباراة أتوقع بتكون مباراة الجولة من حيث المتعة و الأهداف

الريدز طلع من عندهم لاعب من أهم لاعبيهم و هو ألونسو .. بكل تأكيد بيكون لوكاس ليفا هو البديل له في هالمباراة .. فرق أكيد لكن الولد ممتاز و يقدر يسد الخانة لكن مهوب بنفس كفاءة ألونسو .. لكن يحسب لـ الريدز التعاقد مع جونسون .. في كل الاحوال بالنسبة لي أشوفه أفضل من أربيلوا و يقدر يلعب للأندية الصغيرة

كراوتش و ديفو ثنائي تكون في البومبي مع ريدناب و راح ريدناب و راحوا وراه .. بنشوف وش بيسوون في هالمباراة و بالتوفيق للسبيرز

الله يعطيكم العافية يا شباب و إن شاءالله نستمتع بالدوري و بالنقاشات في الاستديو