السلام عليكم

الله يعطيكم العافية يا شباب .. اعذرونا على التقطيعات اللي تصير لكن متابع اول بأول و ألف شكر لكم واحد واحد على هالمجهودات الطيبة

أخبار كثييييييييييييييير راحت علي .. عشان كذا بعلق على كم شغلة في راسي من الصفحات اللي راحت و الله يسهل و اقدر اجمع اغلب الاشياء

نبدأ بإعارة دي سانتو .. إعارة دي سانتو و طريقتها كانت جميلة جداً .. إعارة حتى يناير مع فريق من الدرجة الممتازة شيء أقدر أقول عليه روووووعة .. إعارته لفريق في الدوري الممتاز أفضل من إعارته لـ فريق من الدرجة الاولى او الثانية و تروح حياته كلها اعارات زي سينكلير .. و أقل شيء نقدر نشوفه

آلاردايس معجب بقوة باللاعب و واضح عليه انه بيعطيه فرصته .. و إن شاءالله نشوفه مبدع معهم زي و يعوضنا عن بشكة المهاجمين اللي راحوا علينا و هو قادر على هالشيء بإذن الله تعالى .. طول و تحرك ممتاز بدون الكرة و قناص .. بإذن الله بنشوف نتائج هالاعارة في نهائي التشامبيونز بعد ما يدخل مكان دروجبا في الشوط الثاني و يسجل الهدف الرابع و يشيل الكاس << بدا يأمل

------

إعارة مانسيني ليتهم ما سووها .. ليتهم سووها بنفس حركة دي سانتو .. موسم كامل لـ لاعب احتجناه الموسم اللي راح .. لاعب جوكر .. اوكيه اعارة ست شهور و بعدها يرجع في وقت الحسم .. اما موسم كامل مخاطرة .. و إن شاءالله ما نحتاج له هالموسم

------

ريبيري .. اللي سمعته ان اللاعب او وكيل اعماله موقع مع الريال بحيث ان اللاعب ينتقل للريال ابتداءاً من الموسم القادم .. بس ما ادري عن صحة هالكلام .. لكن بعد الكلام عن ابراموفيتش و انه بيطير لألمانيا عشان يتعاقد مع اللاعب احسها مستحيلة .. ما قد سواها .. بالأساس ما قد وقع مع لاعب بنفسه عاد كيف يروح يجره مع اذانيه الا ان كانت مسكت معه و هذي استبعدها لأن الأخبار عنه وقفت !

------

مقال يزيد كلام جميل و سرد ملخص للمواسم اللي خسرنا فيها الدوري بشكل جميل لكنك نسيت تين كات و بالنسبة للموسم الماضي فعلاً كان أسوأ موسم على مستوى الدوري و لا جديد على مستوى التشامبيونز .. لأول مرة الفريق يتنازل عن المركزين الأول و الثاني من عام 2004 .. و بإذن الله هالموسم بيكون مختلف و نبارك لبعض هنا

طبعاً تعليق فهد ما ابي اعلق عليه لأنه بكرة بيغير رأيه لا الصحيح ان تشيلسي السنة اللي راحت في البداية كان اداءه على ما يقولون جذاب .. لكن ماش انا ما يطربني الفريق الا اذا دافع

------

أنيلكا و تجديد عقده .. اللاعب باقي في عقده سنتين .. ما اتوقع الفريق بيحرص على التجديد اللحين مع لاعب عمره 30 سنة و ينتهي عقده و عمره 32 ايه نعم مهوب ذاك الكبر لكن ما اتوقع ان الفريق يتخذ اي خطوة قبل نهاية هالموسم

------

كلنا إيريك جيبوه يا عيال و عطوهم فيريرا اللاعب مدري عنه لكن لا يجي اللحين لأن الوضع في الفريق مهوب أمان عليه الا على طاريه ماتيش الين اللحين يتلزق

---

بوسينجوا .. هاللاعب بدا مع الفريق بداية حلوة ثم اصيب و خرب و عليها الى اللحين و هو خربان .. البايرن لا يعطوننا ريبيري بس ياخذونه قسم بالله أول مرة يرتفع ضغطي من لاعب في تشيلسي بسبب مستواه زي كذا .. طبعاً النكرة اللي كان موجود بسبب جنسيته اولاً ثم مستواه بس هذا غير يا ناس احسه بيجلطني من جد

الا صدق .. فيريرا رجع

---

هذا اللي عندي اللحين و الله يعطيكم العافية على مجهوداتكم شباب

مشاري الله يعطيك العافية على التقرير الخاص و على مجهودك الواضح انت و وليد