هلا بك اختي الكريمة على موضوعك الطريف والمواقف المضحكة المبكية
حبيت أسأل سؤال صغيرون .....
هالحين لما قطعوا رجل البنت ....
مو المفروض يكون الاهل عندهم خبر عن العملية وفيه اجراءات روتينية مثل التوقيع على اوراق العملية وتوفير الدم و و و و الخ <<<< خبره في العمليات
يعني معقوله ما انتبهوا للعمر والاسم ووووو ؟؟
عموما اعتقد ان الموضوع حصل بحركة غبية من اهلها ومن المستشفى .... اما المطوع اللي ينصح فاعتقد انه يعاني من قرحة في دماغه 
والبنت اللي وقفت بوجه المدير المناوب انا اشهد انها ذيبه وتسوى هذاك المدير .... بالنسبة للمواقف : بنتي عمرها 6 سنوات كان عندها الم بضرسها وديتها لمستوصف خاص ودفعت الكشف عند دكتورة اسنان .. المهم الموظفه اللي على الاستقبال قالت استريح انت بالاستراحة وخل البنت تدخل لوحدها للدكتوره ,,,,, قلت خير سلامات تحسين بشي يوجعك حضرتك ؟؟ قالت ممنوع الرجال يدخلون للدكتوره ........ الا ورجال مصري طالع من عندها ... وبيده شنطه قلت وذا من هو موب رجال ؟؟ قالت هذا مندوب طبي ههههههههه قلت لها طيب مندوب اليس رجل مثلنا والا هو ناقص رجوله يعني قالت لي : احترم نفسك وروح للاستراحة عاد انا شبت النار فيني وقلت لها اذا انتي خبله فانا عاقل ... وبنتي عمرها 6 سنوات ما بخليها تدخل للدكتوره لوحدها لو تطلع براسك نخله ... قالت جيب امها معها او اختها او جدتها او روح دور لك مستشفى ثاني ... قلت لها لا بجيب ولا بدور وبدخل عندها غصبا عنك وعن نظامكم اذا كان هذا نظام وانا اطق البنت بيدي واداهم غرفة الدكتوره والموظفه تطارد فيني وتتكلم وتقول جيبوا الامن ههههههههههه ولما دخلت للدكتوره انفجعت الدكتوره وقالت : في ايه <<<< اقروها بالمصري <<< ما يقلد شلهوبيه
قالت الموظفه : شوفي هذا بيدخل بالقوه عندك وانا منعته ورفض ... قالت الدكتوره : ومن حيكشف ؟ قلت : البنت اللي بتكشف ... قالت الدكتوره للموظفه : وفيه ايه ليه تمنعيه يدخل مع بنته ؟؟ قالت الموظفه ممنوع يدخل رجال عندك .... قالت الدكتوره : انا منعت رجال يدخل يكشف عندي مش مرافق مع بنته او زوجته في هذه اللحظات <<<< داخل جو مع الاحداث
جلست وحطيت رجل على رجل والموظفه انصرفت وهي تجر اذيال الهزيمة والعار ههههههههههههه ما يستفاد : الموظفات والموظفين في الكثير من الاماكن لا يفقهون اسس التعامل ولا يعرفون النظام ويهايطون على كيفهم وسلامتكم 