السلام عليكم
أقول يا سرع الأيام بس .. مباراة السنة اللي راحت كنها قبل اسبوع
الله يعطيكم العافية يا شباب على التقديم
و زين انها مهيب بنفس توقيت السوبر الإنجليزي لأن بصراحة السوبر الإيطالي يبيله متابعة .. ودي أشوف الإنتر بتشكيلته الجديدة و أكيد الإنتر بيتغير لأنه أضاف لصفوفه أربعة لاعبين و تقريباً بيلعبون أساسيين [ لوسيو - موتا - ميليتو - إيتو ]
و أنا أقرأ التقديم و بالتحديد في سالفة الثلاث مهاجمين .. فكرت فيها لقيت ان مورينهو ممكن يسويها و إحتماليتها قوية بعد .. إيتو يقدر يلعب ع الطرف و شفناه مع برشلونة يلعب على الطرف في بعض المباريات .. بالوتيللي بعد عنده إمكانيه يلعب طرف و ميليتو يبي يلمح الكورة بس عشان يسجل .. و هذي أشوفها ميزة في الإنتر هالموسم بتواجد هالثلاث مهاجمين اللي يقدرون يلعبون مع بعض بأدوار مختلفة تماماً .. و لو اني مستغرب التفريط في كروز
لاتسيو بعد جامد .. خاصةً فوجيا
هاللاعب خاق معه من أيام كالياري مع خبرة روكي و تهديف كروز .. فريق جامد بصراحة و يبيله متابعة طول الموسم مو هالمباراة بس و إن شاءالله نتفضى له
ألف شكر لكم على التقديم يا أحمد
و عبدالهادي
و العضو الجديد [ صديق العضو انتريستا ]
معليش شباب هذا صديقه و الا عضو صحيح
موفقين و إن شاءالله نشوف مباراة حلوة