السلام عليكم هلالي ..

ان شاء الله ترجع لبلادك سالم غانم .. اي البلدين لا اعلم ( السعوديه ام اليمن ) *_^

ما شاء من دخلت الصبح لقيت 3 مواضيع باسم هلالي من ارض اليمن ..
قلت في خاطريه ما شاء الله شو هالنشاط .. والحيويه .. اكيد ماخذ منشطات >>>>>

::

صراحه كنت داشه اكتب موضوع عن سواقة المراة في السعوديه ..
بس قلت في خاطريه لازم ادخل موضوع ابن اليمن .. واشوف شو كاتب اليوم ..
وبالصدفه لقيتك كاتب موضوع تقريبا عن السواقه الحرمة السعوديه ..
قلت الحمدلله .. ما يحتاج اني اكتب موضوع مستقل ..
خلني اداخل في موضوعك احسن ..

::

عيل سالك الكندي ..
هل المراه السعوديه تسوق السياره .. ؟؟
ولماذا لا يسمح لها بالقياده ..؟؟

اجوبتك يابن اليمن .. نص نص .. يعني 50 % عيبتني و50 % ما عيبتني .. ( وجهة نظر )

انا في البدايه كنت من اشد الموافقين على سواقة المرأة السعوديه للسياره .. وله انا في الاساس اصلا ما اشجع سواقة المرأة
لا عندنا ولا عندكم ..


تبون تعرفون ليش معارضة انا سواقة المرأة السعوديه بالذات .. ؟؟

لأنه والسموحه منكم .. سواقتكم يا شباب السعوديه .. موووووووووووووت .. هلااااااااااااك ..
واحد ياي مسرع .. عادي يتجاوز 10 سيارات في دقيقة ما شاء الله ..
الشاب السعودي .. يسوق بتهور .. وانا الصراحه اخاف على الجنس الناعم ..
يعني الحمدلله الحمدلله الحمدلله اقولها 20 الف مرة الحمدلله انه مانعين سواقة الحرمة السعوديه في السعوديه ..

لاحظت ع الشاب السعودي .. انه في بلاده يسوق بتهور .. لكن تعال شوفه في الدول الخليجيه الثانيه ( الامارات ) يسوق ما شاء الله عليه بهدوء ومتبع قوانين السلامة .. وما يتعدونهااا لا اشاره حمرة .. ولا يرقي الرصيف .. ولا يتجاوز داخل المدينة ..

يعني ما شاء الله عليه تعطيه 1000%
لكن في بلاده انا ما اعطيه حتى 1 %

واستنتجت من هالشي .. يمكن لانه قوانين المرور عندكم ما تتطبق صح ..؟؟

وله شاب صغير 15 او 16 سنه عمره .. يقطع الرياض لمكة في 5 ساعات بس ..؟؟؟!!!!!!!! ( قمة الاستغراب )
لا حول ولا قوة الا بالله العظيم ..
اذا انته ما تبى عمرك .. اهلك شو ذنبهم تعيشهم صبح ليل في خوف ..
فكر في امك شو بيصير لها ...


::

وانا من هالمنبر اقول حق البنات استريحو مكانكم وما شي سواقه لكم .. دام الشباب السعوديين هاذي سواقتهم ..


::

السموحه هلالي ع الاطاله .. لاني اللي شفته مب شويه ..