نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ✰¤¶` العضو المتميز مواصل من عام 1413هـ ( ضيف المجلس العام )`¶¤✰

عريب عبدالله · #61 24/07/2009, 03:28 AM

إقتباس

الرسالة الأصلية كتبت بواسطة مواصل من عام 1413هـ


	[ المقلب الثاني : كنا مآخذين أنا وأخوياي شقة ( وهالشقة ) مجتمع فيها ( أنذل خلق الله ) ما عمري شفت ناس يقدسون النذالة وعمل المقالب في بعض - مثل هالأشخاص وعلى رأس هالمجموعة إنسان ملقبينه ( بالشيعي ) لكثرة نذالته ودنائه مقالبه هالشيعي : سبحان الله غريب - طالع شاذ عن أهل ( حوطة بني تميم ) سسبحان الله أهل الحوطة كلهم فيهم طيبة - والطيبة الزايدة إلا هو!!. اللي حصل : جانا واحد من الضيوف ( وما نعرفه ) مع أحد أخويانا قمت أنا والشيعي وشّمرنا عن سواعدنا ، نبي نعشيه أنا جلست أقطع البصل والدجاج والشيعي بيطبخ وأنا بكون - مساعد الشيف بنص الطبخة - قالي الشيعي ( وش رايك ما نخليهم يتعشون ) قلت له وش بتسوي : قال شفت هالفلفل الحار كله بحطه بالقدر عديت الفلفل لقيته 21 حبه - كلها فضخناها وحطيناها بالعشاء حطينا العشاء ( وكان مكرونه ) وقلطنا الضيف والحضور بعد خمس دقايق - إلا الجميع يمسحون وجيههم - واللي يلهث واللي قام من أول ما لمس العشاء والضيف أشوف وجهه منقلب فوق تحت - بس مستحي فياكل لقمه ويصبر ثلاث دقايق - يقاله إنه مقدر تعبنا فجتنا كم سبه على كم لعنه ( حسنات ببلاش )

بالنسبة لصديقك الحوطي صدقني أنه ما هو نذل

لأن الحواطى مع الفلفل قصة عشق لاتنتهي وما يعرفون يسوون أي مقلب الا بالفلفل

صدقني الحواطى ينافسون الهنود بالفلفل

الحوطية تسوي لك مرقوق يحبة قلبك لكن ما تقدر تاكل تسألها كم حاطه من فلفل

تقولك "أبد تالي الغريشة"

طبعا كلمة آخر العلبة تعني أن العلبة كبيرة وباقي فيها ربعها

وتصغيرها لكلمة" غرشه" اللي تعني علبه بالمصطلح الحوطي لاتنفي كبر حجم العلبه

لكن هم يحبون يهونون الأمور الكبيرة

فصديقك ما عمل مقلب لأن الأمر طبيعي بالنسبة له ولا تأثر فيه حرارة الفلفل

أما صديقك الأول فمن جد رحمته قطع قلبي لأنه تعلق بوهم

ومن ناحية ثانية يستاهل أجل لاعمرة شافها ولا يعرف هي مين ويحبها

والله يستاهل ما جاه وأكثر

<<قلبت عليه

طبعا بما أني تعنيت وجيت أعلق على الموقف بأسئلك كم سؤال

كتاب قرأته وتنصحنا به؟؟

كاتبك المفضل ؟؟

في الشبكة ككل من من الأقلام النسائية تستمتع بقراءتك لها وكذلك من الأقلام الرجالية غير الأستاذ طارق

ما رأيك بكتابة البنات بالمنتدى بشكل عام وبالمنتديات الرياضية بشكل خاص

ما رأيك في البنت التي تكتب مقالات رياضية

ما رأيك في مجلة زعيمات بلا حدود وهل ترى أنها نجحت والأسباب أو فشلت والأسباب

ونصائح تقدمها للمجلة

هل تفضل قراءة مجلة بأقلام نسائية أم أن الأقلام الرجالية تعجبك أكثر والسبب

يمكن أرجع بعدين بأسئلة جديده

بالحب والإشراق