بعد ان كان ينتضر العلاوة ... يتفاجئ بالخصم من مرتبه !!
السلام عليكم ورحمة الله وبركاته
احلى تحية مهداة من القلب الى المجلساوية مشرفين واستشاريين واعضاء وزوار  !!
قلنا بنجي عندكم سمعنا ان صيفكم غير ونريح من صداع الجمهور شوي ومن المصادر الخاصة   !!
وبصراحة اعجبتني اصوات العصافير الي فوق بس كأني سمعت مع العصافير غوريلا  !!
بصراحة عندي لكم موضوع مادري تكلمتوا عنه بالمجلس العام والا لا ولكنه موضوع يشغل تفكيري وفاقع مرارتي !!
تخيل لما تنتهي من دراستك ويكون عندك شهادة طيبة ومعدل رائع وتروح تطلب رزقك في كل مكان !!
وتتوقع ان الجامعات والشركات راح تتسابق عليك وتتفاجئ بأنك كل ما تروح مكان يقولون لك اقضب الباب   !!
طيب تخيل تروح تقدم على العسكرية ويعطونك موعد للاختبار وتجيهم وانواع الفحوصات والكرف في الميدان !!
وغيرك لابس الشماغ ويتفرج من المدرج  !!
وفي الاخير يجيك عسكري وينادي الي لابسين الشماغ ويقول لهم انتو ناقصة اوراقكم مروا مكتب المدير علشان يعلمونكم بالنواقص !!
لكن تتفاجئ بأن هذه الاسماء تم توظيفها بكل يسر وسهولة وانت قاعد للكرف وملعوب في حسبتك !!
وفي الاخير يمكن تقبل بعد كم شهر ومع تواجد الآلاف المقدمين او كسابقاتها الباب يفوت جمل !!
عندي واحد يقرب لي بشركة في الرياض يشتغل على وظيفة معقب بـراتب 3000 ريال شهريا وله على هذه الوظيفة سنتين ونص !!
المهم في هذه الصيفية تخرج نسيب مدير الشركة الي كان خارج الرياض وجا للرياض وكلم خاله قال له خلاص انا عندي لك وظفية تمشي بها امورك
وان لقيت احسن منها يكون احسن لك وعطاه وظيفة قريبي وقال المدير لخوينا اذا تبي تصير موظف استقبال براتب 2500 شهريا  !!
والا راح نعطيك شهادة خبرة والله يوفقك في حياتك  !!
يا جماعة الخير وش هذا الي قاعد يصير يعني يكرف مع الشركة سنتين ونص رايح جاي في هذه الوزرات والشركات ودوام يتكون من فترتين !!
وفي غمضة عين يروح شغل الرجال بعد ان كان ينتظر علاوة يجيه خصم 500 ريال ووظيفة اقل من سابقتها !!
بصراحة عندي من هذه المواقف الشيئ الكثير سواء لي او لغيري ممن تربطني بهم علاقات قرابة او صداقة !!
ولكن لكثرها لا يسعني طرحها بالكامل واكتفي بما ذكرت  !!
ولكن حبيت اشوف آرائكم حول هذا الموضوع من وجهتين هما :-
وش رايك بالواسطة ؟؟
ما هو شعورك اذا توظفت بواسطة وبكل سهولة وما هو شعورك اذا صار العكس واخذت منك وظيفة تستحقها بواسطة ؟؟
دمتم بخير يالغاليين
اخر تعديل كان بواسطة » سعود الفيفي في يوم » 16/07/2009 عند الساعة » 05:51 AM | 