نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

Hictar · #22 15/07/2009, 05:18 PM

الله يرحم زمان أول بس
تجي الطقاقة ( ببلاش ) ، واللي بترقص تحط ( 50 ) ريال

( شوف عيني - ما أحد قالي )

يروح الليل وبالأخير ما طلعت لها بألف وخمسمية ريال

اللي قاهرني - ذيك الأيام ( إني سبهه )!!.
تروح عروس علي - ما دققت من الزينة من الشينة

من يبدأ العرس وحنا يالمبزرة مرتزين بزاوية بأقصى القاعة!!.
ما الله أراد إننا نتابع الرقص

وإلا لو إنه بزر من بزران هاليومين
لعنبوهم يدقق بلون المناكير والبنت لابسه العباية!!.

إيه راحت علينا - ما ودنا نآخذ زمانا وزمان غيرنا

لكن على اللي تقولينه الآن ، وإن الحبايب ما يجون إلا تالي الليل
متى يمديكم ( تطربون )!!.
إذا هالوقت ما إهنا ليل!!.
إذا كان الفجر يأذن الساعة 4
والحبايب يجون الساعة 11 ، ويرتبون أغراضهم
وعلى بال ما تتعشى طال عمرها وتتواسى وتتربع
إلى الساعة جت 1
يعني حتى الطيران ما يحمونها إلا مره وحده!!.
ما يمديها تأخذ لها 3 شيلات إلا وهي ضافه عفشها!!.
وتطلع راتبي لمده سنتين قدام!!.
وأنا اللي أكر يومياً قومه من صباح الله خير ، وأرجع تلفانه أعصابي بهالشموس!!.