نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

الســفيرة · #1 15/07/2009, 12:08 AM

مساكم /صبحكم الله بالخير

الطقاقات وماادراك مالطقاقات

الحين العرس مايكون ( كشخة ) الا لما يجيبون طقاقات

مايدخلون الخوات الا عالساعه 9 ونص ولا 10 ،، هذا اذا نشبتلهم راعية العرس وكلشوي تدق عليهم

يدخلون يتسحبون وحده وحده

بعدين يجهزون اغراضهم

>> طيب تعالو بدري وجهزو شغلكم بدل ماتسوونه قدام العالم

بعد مايجلسون يبون يتقهوون نص ساعه

بعدها تجرب المايك

اكثر شي يقهرني لما تتحمس وتقول ( عاشو الصبايا )

نعنبو ابليسك بنات ويالله تركب عليك

لا ولما تجي الساعه 12 وقت زفة العروس طبعا لازم يوقفون عشان يشغلون سي دي الزفة وعقبها اهداء من ام العروسة واختها وصديقتها ومدري مين ،، تقريبا ساعة ولا ساعتين والخوات مرتاحات

عقبها ينادون عالعشا وهم اوول من يدخل البوفية واخر من يطلع منه

عقب العشا يغنون ساعه ولاساعتين ويوقفون شغلهم ويطلعون وماعليهم من القاعدين

يعني يصير مجموع شغلها 3 الى 4 ساعات بالكثييييير ...

في فترة من الفترات قررنا انا وصاحباتي نشتغل طقاقات

شغل مريح ووناسة تشوف زواجات اشكال والوان

وفوق هذا بالليلة الوحده يطلعلنا راتب دكتور

لو نفرض طقاقه تاخذ بالليلة 6 الاف >> ترا محنا طماعين

وونفرض حضرنا لعشر عروس بالشهر ،، راح يطلعلنا بالشهر الواحد 60 الف

شايفين كيف المكسب ؟؟

بس مع الاسف ماعندنا اصوات تساعد

واخاف محد يثق فينا ،،

مشكلة هالشغلة احتكروها السمر

نصيحة لمن تملك صوت يؤهلها وتبي تشغل وقت فراغها تشتغل طقاقه

تذكرت سالفة

في وحدة تسولف تقول دقيت على طقاقة بحجز وياها موعد

تقول قلت الطقاقة ام عبدالله موجودة

قالتلها طق الله راسك قولي فنانة

برايفت

اتمنى مايزعلون مني الطقاقات الموضوع مزوح بس

الموضوع كتب على عجالة لحد يدقق

سلاااام