عاشق النمر . . . بعد التحية

ياخي هلا والله وش السالفه كل يوم طالع لي بشي جديد ومعقد تبي تقهرني أنت :
المهم أنت رجال بتعلمني بشرح كامل واشلون أحملها مهوب التحميل التحميل خالصين منه أقصد ما بعد التحميل مدري وش اسمه اللي بعد ما نحملها مهوب صح إذا حملنها مثلا على سطح المكتب وش نسوي بعدها لا تقول فك وربط ما اعرف عطاي الله البرنامج اللي حمله ويدل محله من نفسه هذا البرنامج مهوب يجلس على سطح المكتب لا احم والا دستور يقول تفرج علي ويقهرني بعد ;) .
وعموماً علشان أفيدك وأفيد الأخوان اللي في يدهم حل يمكن الله يفرجها أنا حملت واحد من الخطوط وماقصر جا معي زي الحلاوة بس الظاهر أني ببيع الكمبيوتر كله بالاشتراك حقي معه طلع عـلى سطح الـمـكتب اللي حـمـلته طلع هذاك اللي اذا ضغطت عليه دبل كليك طلع عندك مسمى باللغة الانجليزية win zip وهذا يعقدني في حياتي إذا شفته وش الحل بعدين وين أروح ترى الدعوى واصله للحلوق والملاقط لا تخليني أشب في جهازي والسبه win zip .

عموماً الخطوط حلوة وما قصرت على نشرها :p وأبشر بالخطوط بس صبرك علي مسوي واثق .

تحياتي , , ,