نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

عريب عبدالله · #9 12/07/2009, 06:29 PM

إقتباس


	ومرة سويت جريء بالابتدائي وحليت اسئلة الاختبار على السبورة جاء المدرس وشاف الاسئلة محلولة انهبل وطبعا البزارين فضحوني واديها فلكة والله ما انساها الى يوم الدين

للحين ماجد حاقد على الأستاذ والمبزرة اللي جحدوه

دايم تجيب طاري هالعلقة
أنا أحس ما خلاك تصير شاعر وأديب الا المعاناة المنبثقة من رحم الفلكه اللي خذتها ذاك اليوم
فالمفروض أنك تكون مبسوط بهالموقف لأنه بين أن الطالب الذكي والمجتهد ينجلد
بينما المفروض تكون كسلان عشان تمشي أمورك

إقتباس


	براءة وش فيهم ذولي أول مره يسمعون قرآن ! وأمّي كانت طالعه من غرفة المدرّسات بتشوف بنتها النجيبه وهي تجآوب ، وواقفة بالدور الثاني ، ووجها صاااير كذا شكلها كانت تقول وش عندها بنتي صارت شيعيه تلحّن الأحاديث مابقى إلا تلطم ً وتقول ياعلللللللللي خخخخخخ

آآآه ربطه تخيلت شكلك وأنتي بكل براءة تفكرين في هالأغبياء اللي يضحكون على كلام الله

يا حبي لك على العكس موقفك وجراءتك تحسب لك

بس لاتتعودينها تحرفين في آيات القرآن فيه فرق بين الحديث والقرآن وياليته حديث قدسي نمشيها يا حلو أيام البراءة

الا ما تشوف ياهلالي أني رديت على الردود بدالك

والله من الفراغ والدجة

موقفي مع الجراءة ودايم يتكرر علي طبعا أنا كنت خجولة وأحاول أكون جريئة فأطيح في مواقف مالها داعي
مره أتصلت علينا بنت عم أبوي وللحق أنا ما أعرفها ولا أعرف أبوها لأني ما أعتبر نفسي فرد من العائلة ولا أروح معهم
المهم أنا رديت وماكان أحد فيه المهم أني ما عرفتها وقالت أنا بنت عمك ناصر وطبعا أبي أسوي فيها جريئة وعارفتها
وأقول هلا والله عاش من سمع هالصوت شخبارك وشخبار عمي

البنت ساكته ماترد وأقول لنفسي وش ذا الفاهية

المهم لما ما لقت فيه الا الداجة أنا قالت مع السلامة وبكل جراءة أقول لها سلميني على الوالدة وعمي والبنات
الا أنها سكرت السماعة بدون ما تقول شي

عاد أنا حسيت أنها إنسانه فاهية وما تعرف في السنع

لما جوا أهلي وأقول لأبوي أتصلت عليك بنت عمك الفاهية أقول لها شخبار عمي وتسفهني وأقول لها سلميني على عمي وتسكرها بوجهي

سألوني من اللي متصلة قلت وحدة تقول أنها سارة بنت عمي ناصر

أهلي ما توا من الضحك وقالوا ما الفاهي الا أنتي عمك ناصر ميت من زمان

أكتشفت اني وبكل غباء في الدنيا قلبت عليها المواجع وأكيد أنها تقول عني وش هالفاهية ما تدري أن عم أبوها ميت

من عقبها ما عاد فكرت أصير سنعه أو جريئة ولا عاد رديت على التليفون ولا حضرت مناسبة إجتماعية
ولا أبوكم لا أبو الجراءة اللي تخلي الواحد يطلع مسبة قدام خلق الله وتضيع برستيجة قدام الناس

وه بس على جراءتي وقوة وجهي

يالله عاد طولت هنا

بالحب والإشراق