بالنسبة لكرهك للسوق أنا مثلك ما أحب شي أسمه سوق

من أروح هناك نفسيتي تتعب وراسي يصدع وأمرض أسبوع بعد يوم السوق

والمصيبة التلاعب في الأسعار وعلى أعتبار محاكيتك مسويه كاش وما تعرف تكاسر

فدائما ينلعب عليها لأنه أنا من الناس اللي إذا ما عجبني السعر خليت القطعه لكن ما أحب أدخل في جدل مع البائع

لأنه رجل غريب وما له داعي أقول له نقص بالسعر ولا تنقص ومن هالميانه لكن دايم ينلعب علي بالأسعار

تخيلي بنفس السوق فستان هادي قيمته خمس مية كنت بآخذه

بس راعي المحل زود حكي وطلعت أنا أحب أشتري من بائع صامت

المهم دخلت المحل اللي مقابلة قال القطعه بثلاث مية

وعلى طول خذيتها لكن الأدهى لما اليوم الثاني رحت سوق ثاني لقيتها بميه

طبعا أنا ما أرجع لو وش يصير نظام كاش وأنا من جمبها بس ما أحب أقلق مخي بهالأمور

طبعا غير لما يجي البياع قلق ويطلع نص بضاعته لما تسألينه عن السعر

والا تقولين كم السعر ويقول كم المقاس والا الأدهى لما يقول هذا مقاسك

بصراحة السوق قلق لكن شر لابد منه

الله يعيننا على هالأسواق وبما أننا نتكلم عن الأسواق ياليت تخلصون ملابس العيد الحين

ماله داعي يروح رمضان بالأسواق لأنه شهر عبادة وما تحلى الأسواق لحريمنا الا برمضان الى ليلة العيد

حتى لو رمضان كامل لازم يدخلون ليلة العيد والا ما يحسون أنهم شروا

موضوع جميل بجمالك جميلتي ويحمل من الفوائد الكثير في جزئة الثاني

يستحق وسام على المجهود المميز وفالك التثبيت


بالحب وافشراق