نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - رسالة خاصة: ₪]¦[_ خمس لقطات من التسوق + نصائح + الأسواق التاريخية في مكة _]¦[₪

وجــدان · #7 05/07/2009, 02:36 AM

.,

هلا وغلا عقد الياسمين

صراحةً موضوع حساس على الأقل بالنسبة لي

أحب أتكلم عن السوق وأسمع سوالف البنات عنه

بس والله أستغرب من اللي لاضاق صدرها راحت السوق يقالها بتغيّر جو

أنا ماأروح له لين أصير رايقه عشان أقدر أشتري زين

--> من زين أسواق حائل عاد

أذكر مره كنت بالسوق انا وعمتي , وكان وقت الصلاه وجلسنا نسولف
جتنا وحده تسألنا عن الأسواق الزينه بحائل ؟
معناها هي مو من عندنا .. عاد تخبرين اللقافه قبل لانعلمها سألناها هي من وين ؟

طلعت من حفر الباطن وتبي تجهز لاختها عشان الزواج
قلت لها : لو أنتس ماجيتي أصرف نص بنات حائل يجهزون من الرياض ولا جده

شكلهم طلعوا من السوق وسيدا على حفر الباطن

**

.. [ اللقطة الأولى ] ..

معك حق .. وفيه محلات خاصه لـ للماركات المقلده
طبعا ً اللي يفهم بالماركات بيعرف ان هذي فعلاً ماركه أو مقلده

بس أحياناً ماتفرقين بينهم

**

.. [ اللقطة الثانية ] ..

لاتقولين مكياج سوق تحوم كبدي قسم بالله

انا مثلك قد شفت وحده دخلت المشغل وطلبت مكياج سوق

بس اللي أنا شفتها حلوه

بس ودي أعرف بكم يسوونه هالمكياج ..! لأنه بجد حلو شكله

بس اسمه غبي

شكلي بقولها حطي لي مكياج سوق وبروح به لـ عزيمه عائليه

**

.. [ اللقطة الثالثة ] ..

ايه اصلاً السوق للعوائل بس

هالشباب كل شيء لهم .. حنا مالنا الا الاسواق ومزاحمينا فيها بعد

وصدقتي والله كم مره أشوف البوابات اللي برا مليانه سيارت كشخه

وراكبين فيها خمسه سته !!

طيب تعال لحالك جايب كل اخوياك عشان ترقم بنت !

بس ياحليلهم المطاوعه المفروض يدخلونهم حتى لو انهم لحالهم بدون عوائل

عشان بكرا كل الشباب يغارون ويلتزمون

**

.. [ اللقطة الرابعة ] ..

بالنسبة للي يتحرشون

شفت لك واحد كان يبيع لبنت عاد الله حق البنت شكلها يجيب الشك

المفروض تتستر عشان يكون اللوم على البائع 100%

المهم انه مدري وش سوى يوم عطاها الكيس
أنا ماانتبهت الا يوم قعدت تهاوشه .. قالت : وجع قليل أدب ورمت الكيس بوجهه وطلعت

هو طاح وجهه يستاهل

وبس وخلصت السالفه

**

[ نصــائـــح ]

اولاً المتزوجات :

--> قاطه

صح ان مالي دخل بس والله مانصحتيهم ياعقد

بالعكس أنا اقول خلي زوجك فـ بيتك وانتي تعالي تسوقي

مع أمك اختك أي احد بس مو زوجك
أساساً ماراح أقدر اشتري شيء وهو فوق راسي

يالله .. خلصينا .. بسرعه .. مهوب لازم .. مواعد الشباب ..

اذا هو من هالنوعية نصيحه لاتاخذينه أبد

إقتباس


	* أرجوووووكِ .. لا تنكدين ع الرجال ( خلك معي ... لا تلتفت .. لا تناظر ) , يعني كفاية هو متحمل هالطلعة والمصاريف

لالا عندي فكره أحلى

وشرايك أقوله شف شف هذيك تجنن

والا هذي شكلها مبين انها ملكة جمال

ايه صح لازم مانزعجه

--> ماتعرف تتناقش بهالمواضيع

**

ماحسيت اني اكتب أحس اني اتكلم كلام

قايلتلكم احب هالنوع من السوالف .. من هواياتي

ياملا العوافي ياعقد على هالمساحه اللي خليتين أبربر به

وموضوع متعوب عليه خصوصاً الفقره التاريخيه

مالقيت شيء اعلق عليه بخصوصها .. معلومات حلوه
ويازين سوالفتس

ومبروك الوظيفه

وخلينا عنك السحبات

ويلا مع السلامه