أهلاً بـ الغالية " الضحى "

بالنسبة لمظاهر البنات في الوقت الحاضر وتقليدهم الأعمى أصبح شي مألوف !
يعني أصبح عندي تبلّد من كثر ما أشوف البنات يتغيّرون بشكل جذري بين يوم وليلة ،
وأنا صراحة ما أحمّل الأهل مسؤولية كبرى لأن البنات الحين صعب صعب جداً تحكمينهم وخصوصاً لاكانو ضمن رفقة سيئة !

أعرف بنت أمها عيّت عليها تقص شعرها بوي ، وجت المدرسه شايله همّ الدنيا فوق راسها ،
مادرينا الا زميلاتها بالفسحة ماسكين مقصات وخوووذي قص .!! خلوها كنهآ عصفور منتّف وحالته حاله ..
وهي مستانسه الأرض موب واسعتها من الفرحه

أهم شي عندهم البنات وش يقولون عنهم ، حتى لو على حساب شكلها !!
ومثل ماقلتِ التوجيه لازم يكون من الصغرَ عشان تترسّخ وتكوِّن قاعده قوية ، يفيد معها النصح في المستقبل ،

الله يهدي الجميع ولايبلانا ، وأشكرك على الطرح الرآقي