إقتباس الرسالة الأصلية كتبت بواسطة Ҝ.ĥ.@.ľ.ệ.ď اولآ : هو يقول ان المتشددين -على قولته- انهم حللو حفلات الاغاني وانا قلت جب الشيخ اللي حللها بس انت الله يهديك انبرشت وفتحت موضوع الفتاوي ثم بعدين مدامك بتقول شئ صحيح ليش تخاف انك تحاسب ثم بعدين من ترك الزنا واكل مال اليتيم وغيرها موضوعنا يتكلم عن السينما اروح اتكلم عن الزنا واكل مال اليتيم ثم بعدين ممكن تذكر مثال عن بلاوي الهيئة بعدين شف الصحف مالها موضوع إلا الهيئة وماحد سوالها شئ ثم بعدين وشلون سينما وفيه نساء متبرجات وموسيقى ولاتغضب رب العالمين قال رسول الله صلى الله عليه وسلم: « ليكونن من أمتي أقوام يستحلون الحر و الحرير و الخمر و المعازف، و لينزلن أقوام إلى جنب علم، يروح عليهم بسارحة لهم، يأتيهم لحاجة، فيقولون: ارجع إلينا غدا، فيبيتهم الله، ويضع العلم، ويمسخ آخرين قردة وخنازير إلى يوم القيامة » رواه البخاري وقال صلى الله عليه و سلم: « صوتان ملعونان، صوت مزمار عند نعمة، و صوت ويل عند مصيبة » (إسناده حسن، السلسلة الصحيحة 427) قال عليه الصلاة والسلام : " ما تركت بعدي فتنة أضر على الرجال من النساء " رواه البخاري في صحيحه ( رقم 4808 ، ج5 ، ص1959 ) قال رسول الله صلى الله عليه وسلم: "إن الله كتب على ابن ءادم حظه من الزنا أدرك ذلك لا محالة فالعين تزني وزناها النظر واليد تزني وزناها اللمس والرجل تزني وزناها الخطى واللسان يزني وزناها المنطق والفم يزني وزناه القبل والنفس تمنى وتشتهي والفرج يصدق ذلك أو يكذبه". تحياتي لك

ياخوي انا ما قلتلك تعال افتحلي حصة دين و تعطيني من احاديث الرسول اللهم صلي و سلم عليه .

انا يوم جبت طاري الزنا و اكل مال اليتيم لان حكمها في الاسلام حرام

و انتم جعلتم السينيما حرام زيها زي الزنا

و بعدين على بلاوي الهيئة ما يحتاج الشق اكبر من الرقعة وش تقول وش تخلي بس لا تعتقد اني ضدها بس انا ضد سياستها التعنتية الاستفزازية الجاسوسية بعض الشيء

و بعدين مافي شي اسمه السينما باب للفتن

طيب و هالمجمعات المختلطة

و المستشفيات المختلطة

و هالمشاكل اللي تصير بالبلد ما هي من باب الفتن


اذا بنحسب الشي على كذا

اجل النت باب للفتن و الجوالات باب للفتن و السيارة باب للفتن و اكلي باب للفتن و لبسي باب للفتن و شربي باب للفتن

و بعدين على طاري الفتن و الموسيقى ليش ما تكلمت عن الحفلات اللي تصير و الا اقولك بلاش تروح لبعيد يوم الاربعاء قبل مباراة المنتخب و بعدها و أثنائها راح تشوف الاغاني و الرقص و الطرب رح تكلم و الا افتح موضوع عليها .

لا تجي تحاججني على أشياء ماهي وضحة و متناقضة تقولي موسيقى اقولك حفلات مليانة بالبلد ... تقولي فتن ...روح طق سيارتك وشف الفتن على اصولها بالشوارع .... تقولي اختلاط ... اقولك اقرب مستشفى و شف نون و ما يعلمون و الا اقولك تعال الراشد شف الاختلاط هناك .

و على فكرة عندنا هنا بالموقع مواضيع تنزل تتكلم عن بيزيو بريك و لوست ماحد تكلم و لا قال شي و لا تنسى رمضان جاي و بتشوف المتابعات على اصولها وش بتقول بعدها بتقول سياسة المنتدى باب للفتن .

و على هذا كله جايب السينما انها باب للفتن ....

يااخي لا نكون مرة متشددين تراها سينما لا راحت ولا جت و على العموم انا ما همني موضوع السينما في السعودية دام في ناس متشددين و أحسن لي اروح للبحرين و اشوف افلامي و انا معزز مكرم لا احد يجي يقولي باب للفتنة و لا باب الحارة .

الله يهدينا وياكم بس