مايقهرك إلا اللي يجيب أعذار سخيفة وما فكر فيها ويتوقع انه صح وهوأصلاً واضح انه حاقد ومقهور من التايب...... ليه يانس حاطين بينكم وبينه عداوة؟؟

برد على أعذارهم:
1- اللي يقول راح سامي والثنيان ولانتأثر بغياب أحد........... أولا هذولا تمسكنا فيهم بكل قوتنا ولافرطنا فيهم باختيارنا الين اعتزلو بعد ماكبر عمرهم وانتهت مسيرتهم الرياضية يعني هذا سبب يخلينا نتمسك بالتايب مهوب نفرط فيه.

2- اللي يقول جمهور اللاعب الواحد............ ترى لو يصير كذا لياسر والا الفريدي كلنا بنرفض التفريط فيهم لأن الفريق عبارة عن مجموعة لاعبين لازم نحافظ على المميزين منهم.

3- اللي يقول المدرب أبخص................ ترى المدرب ممكن بعد ثلاث أو أربع هزايم ينطرد ويمسك الباب وانت أول واحد بطالب بهذا الشي فما المفروض انه يفرض كل اللاعبين الأجانب يعني واحد أو اثنين.

4- الادارة أبخص............ للأسف في حاشية حول الادارة أحياناً تأثر وتعميها عن الحق والصواب.

5- تعبنا من تجارب الأجانب الفاشلين على الأقل هذا لاعب مميز وناجح وقدام عينا وبين يدينا لازم نحافظ عليه ونجدد معاه الواحد ما يضمن المستقبل أكلنا من مقالب الأجانب لين قلنا بس.