هلا ومرحبا بك وبموضوعك اللي جاء في وقته

انا مقهور من اللي قاعد يصير في التانجو وكله بسبب السكير الله لا يوفقه

من يوم جاء ضاع وضيع المنتخب معه , كلنا شفنا كيف كان المنتخب في اولمبياد بكين وكيف صار الحين والبركه في ابو كرشه [ مرادونا ]

طبعاً انا جاي اقطع والعب بحسبته وشف وشلون ابنتّف فيه [ وهو يستاهل ما يجيه ]

بدأ المشروع : ــ

إقتباس س1- هل يتحمل المدرب الوضع الحاصل بالمنتخب والتدهور المريع .. مع العلم بأنه قام بتغييرات قصريه بالمنتخب الارجنتيني ..؟

طبعاً يتحمل اجل ايش من يتحمل غيره

إقتباس مع العلم بأنه قام بتغييرات قصريه بالمنتخب الارجنتيني ..؟

وهذا اساس البلا, اجل يوم اندمجو اللاعبين مع بعض يغربل الفريق صدق [ الدب موب صاحي ]

إقتباس س2- هل ترى بـ ماردونا المدرب القادر على اعادة هيبة التانجو كما كان بموسم التسعيينيات وما الفوراق الحاصلهـ ..؟ وهل يكفي أسم ماردونا لـ كتابة سطر نجاح اخر للمنتخب الارجنتيني ..؟

النقطه الاولى : مستحيل لو يحب نجوم الظهر لانه مايستاهل نسميه مدرب .

النقطه الثانيه : اصلاً اسم مردونا مش كويس [ سمّوه مصلح علشاني ] وكمان موب صاحي يعني مايعرف يكتب ولا يسطر

إقتباس س3- تشكيلة الاعبين الموجوده حاليا هل برأيك هي الانسب ..؟ ومن اللاعبين الذين ظلمو بأبعادهم عن التشكيلهـ ..؟

طبعاً التشكيله مش بطاله لكن يبغالها بعض التعديلات الطفيفه , مثل :

الحراسه : لازم يرجع ابودانزيري حارس صاحب خبره ومتمكن ومتفاهم مع الدفاع

الدفاع : يصرفون برديسو وهاينزه يجنسونهم كولمبي يتكسبون بالضعوف اجر ويرجعون سامويل كعنصر خبره في الدفاع , وفيه مدافع يلعب بالدوري الارجنتيني ما اعرف اسمه طويــــــــــل ولعبه خالع .

الوسط : يرجعون كمبياسو و ريكليمي لانهم اطلق لاعبين في الوسط , خصوصاً كمبياسو لان مركزه ضايع بوجود العصبي ماسكيرانو اللي بأي لحظه يمكن ينكب الفريق وياخذ كرت احمر ولان كامبي ماتحصل مثله في التغطيه على اخطاء الدفاع ويلعب بكم مركز بعد , اما ريكيلمي يمكن يتعوض بان الفريق يصير يعتمد على الانطلاقات السريعه والتوغل من ميسي واللعب على الاطراف .

الهجوم : انا اشوف انه اهم شي يرجع كريسبو لاعب قناص وصاحب خبره وكويس في الاحتياط متى ما دخلته يجيب لك هدف ويكسبك المباراه خصوصاً من الضربات الرأسيه المعروفه عن هذا اللاعب , وكمان يضمون دي ماريا لانه حل حلو في ضل مزاجية تيفيز وميليتو , والصيام التهديفي للمهاجمين الباقين .

إقتباس س4- هل تبرر خروج ريكلمي من المنتخب على هذا النحو ..؟

والله معه حق مدرب يرفع الضغط ولايقدر اللاعبين المميزين وعليه قوانين تنرفز الواحد .

إقتباس ومن يتحمل الخطأ المدرب ام اللاعب ..؟

بكل تأكيد المدرب يتحمل الجزء الاكبر بسبب هنجهيته وقراراته الغريبه , واللاعب يتحمل بعض الشئ لانه الواجب انه مايحط راسه براس المدرب خصوصاً اذا كان المدرب [ مرفع ]

إقتباس س5 -هل تتوقع تطور اداء التانجو والمنافسه بذلك على كأس العالم ..؟ أم الخروج المرير كما حصل عام 2002 ..؟

مادام المدرب هذا موجود لاتفكرون الا باقل الخساير لان ماراح تكون فيه ارباح , واتوقع ان اقل المتشائمين يقول انه في حال تأهلت الارجنتين لكاس العالم فانه يتوجب على الارجنتينيين ان يصّلوا لكي لا يتعرضوا لهزائم ثقيله من المنتخبات الاخرى . >>>خشه خايفه من اسبانيا

إقتباس س-6 الحل الامثل للخروج من هذه الازمهـ ..؟

اقالة المدرب وإعادة باتسيلي اذا سمحت له ضروفه الصحيه او سيموني او جوزيه بيكرمان

إقتباس ختاما أرجو أن أكون وفقت بأخراج الموضوع بالشكل المطلوب وأعتذر عن الاطالهـ ...

ما قصرت يالغالي وتستاهل وعادي طول مادام الموضوع يستاهل

وشكراً على الموضوع الرائع