وش موقفك و الناس لمة حواليك // و الكل منهم وده انك حبيبه
منهو حبيبك منهو اليوم غاليك // الله يهني من تجي من نصيبه
سبحانه اللي صورك و اعتنى فيك // الزين كله و الحلى مكتسي به
ما عاد به ظنيت واحد يضاهيك // ماظن حتى الحور مثلك تجيبه
كل المحاسن و الحلى كلها فيك // و الله يعين اللي بحبك تصيبه
يبان حسنك يوم تمشي خطاويك // و الورد بدروبك و بشفاك طيبه
يطيب للعشاق باسمك تناديك // يحلى لنا اسمك كلنا و الحكي به
يحق لك تمشي و تبدي تغليك // و اللي يشوفك قال ربي حسيبه
الكل وده في دروبك يخاويك // اما حبيبه صرت و لا قريـــبه |