السلام عليكم ورحمة الله وبركاته
مسائكم / صباحكم .. خــير
هذا اول موضوع لي اكتبه بالمجلس وان شاء الله تكون البدايه لمواضيع اخرى << ما أظـن
الموضوع هو عن عباره منتشره بشكل غريب مب بالسعوديه بس حتى برى السعوديه في الدول العربيه عموماً بس ليه انتشرت وما مدى مصداقيه هالعباره اشياء كثيره تدور في مخيلتي ولكن الي توصلت له هي الزبدة
الاخيره بالموضوع
ونبيكم تشاركون معنا هين بتشوفون شوي تخبيص بس واقعـي
عباره دايم اسمعها والكثير يرددها
( خصوصيه الشعب السعودي )
هل فعلا الشعب السعودي له الخصوصيه .. ؟
الكل يعلم ان السعوديه يوجد بها ارض الحرمين وهي اطهر بقاع الارض
ولكن لماذا يتم استغلال خصوصيه الارض ونسبها لنا كشعب انا لا اتهم الجميـع
بأنهم يرددون هذه المقوله ولكن هناك فئه تصر على ان خصوصيه الارض هي ايضاً للشعب
لماذا بعض السعوديين يعتقدون انهم شعب الله المختار وان التدين لا يوجد الا بالسعوديه فقـط
والمشكله ان الخصوصيه المزعومه لم تأتي من الدين بل من اشخاص جعلو الدين شماعه لهم
نرفض استقطاب أئمـة للحرم من الدول الاسلاميه المجاوره << ليه ما تدري ان أئمـة الحرم حكراً على السعوديين فتجدهم يحرمون عمل الممرضه السعوديه بحجة الاختلاط << ايه محد قالها تدرس هالتخصص مشكلتها
ويوافقون على ركوبها مع السائق الخاص وبالخلوه << اكيد تبي تروح للسوق لان لو ما راحت بتصير كارثه كونيه
يوافقون على وضع صور النساء بالجوازات << لزوم السفر بالصيف والتباهي والترزز
ولكن يرفضون وضعها في البطاقه المدنيـه << ما يحتاج خلاص موجوده مع ابوها بكرت العائله
وكل هذا بحجة خصوصيه الشعب السعودي والامثله كثيره جداً
لكن اترك لكم المجـال و الابحارومعرفتها من انفسكم
هذه الخصوصيه جعلت السعوديين مجتمع معجون بالمتناقضـات أصبحنا نحرم الحلال ونحلل الحرام
كتبت الموضوع على عجاله وان شاء الله بالمواضيع الاخرى يكون الاسهاب اكثر واطول
أختـلاف الرأي لا يفسد للود قضيـه
لحد يجي مدرعم ومطفي النـور ويغلط او يسب
عندك رد محتـرم اهـلاً وسهلاً
اما اذا جـآي بتسب فأقولك من الحين الاشاره خضـرا لك << الله يسهل عليك
زبـــدة الـكــــــــلام
( خـصـوصـيـه الـشـعـب الـســعودي كـذبـه صـدقـهـا الـجـمـيــع )
