06/06/2009, 04:07 PM
|
| عضو سابق في إدارة شبكة الزعيم | | تاريخ التسجيل: 11/04/2003 المكان: USA
مشاركات: 13,487
| |
عبدالرحمن تدري وش مشكلتك انك تسمع اغاني هاليومين كلها صياح وهم وغم وحزن , وحبيبي راح وحبيبتي راحت << حبك برص احول مقطوع ذيله
يارجال خربها واسمع بشير وعيسى الاحسائي وبدر الغريب وحجاب وبطي البذالي ومزعل فرحان واهل الطرب الاصيل اسمع ( لعبي وليفي لعب كوره ضربها بليه × سجل بها فوز البرازيل في الدوره )
شف من تجربه , اعمل بكلام كان هنا  وستجد السعاده مهما حدث وصار, الاغاني هي من اسباب قسوة القلوب , وايضا الاغاني تجعلك تعرض عن ذكر الله .
اذا ركبت سيارتك اليوم وانت مع الدايري رايح لمقهى الدانه وجليل مضبط لك الراس << كب العشاء , احذف السيديات والاشرطه اللي معك مع الدريشه , ماقولك خلك مشغل اذاعة القرآن والا استبدل سيديات الاغاني بسيديات السديس , بس اقولك جرب ترمي كل الاغاني اللي معك ولاتسمع لا اغاني ولا شئ , جرب فترة شهر لاهذي ولاذيك وصدقني بترتاح , وهالكلام اقوله لك من تجربه , الحمدلله من اكثر من خمس سنوات رميتها من الدريشه وماعاد صرت اسمع اغاني ومابي اكذب عليك اقولك مشغل اذاعة القرآن بس لا اسمع هذي ولا هذي , احيانا افتح اذاعة الرياض وتجي بعض الاغاني بس ماقولك اني حريص واشتري كل البوم ينزل , لكني ولله الحمد ارتحت ولا عاد صرت مثل اول ادخل جو مع الاغاني وحياتي كلها حزن ومعاناه وعايشن الدور وضاحك على نفسي
الطريف بالامر ان ولد امام المسجد اللي اهداني شريط للشيخ خالد الراشد هو السبب في اني ارمي كل الاغاني اللي بسيارتي وماعاد اسمعها , بعد سنتين انتكس وصار يسمع الاغاني ويدخن وانا اللي انصحه فماهو شرط علشان تترك الاغاني لازم تصير مطوع , انت حط لنفسك حدود منها انك ماتسمع الاغاني بغض النظر عن انها حلال ام حرام , وصدقني بتنجح في هالشئ , والله يهدي الجميع ان شاء الله لما يحب ويرضى .
واليوم لاتشغل تفكيرك باحد , خل تفكيرك كله منصب على مستقبلك , خويك لو يفكر مثلك كان جلس معك وماراح يدور مستقبله , انت بعد لاتخلي كل تفكيرك فيه وتنسى مستقبلك وحياتك .
ولو كل واحد بيفكر بخوياه او خويه او خويته  لاتفارقوا بيحزن ويقعد يلفلف بالشوارع ومشغل اغاني تسان نص الشعب صاروا دشير
تحياتي لك ياكنق
 |
