أحب أشكر كل من نـوّر هالموضوع بطلّتـه وربي أني فرحت يوم شفت هالردود الي توسع الصدر وتخلي الواحد يحس أن الدنيا بخير ما دام فيه مثل هـ الوجيه الطيبه الي ردوا علي الله يجزاكم خير جميعاً

إقتباس بريماكس

الله يعطيك العافيه ينور دربك وربي نصايحك كلها في محلها وإن شاء الله اني بحاول أبتعد عن الإغاني ولو أني أحس أنها صعبه شوي .! لـكن بحاول أني أقلل من سماعي لها الكثير ..!

دمـت لمـن تحب

إقتباس أحلاهم واتحداهم

الله يعطيك العافيه على مرورك وبإذن الله راح أحاول قدر المستطاع أني أسوي كل النصايح الي قلتولي عليها

إقتباس شمووخ الهلال

استغفر الله استغفر الله استغفر الله ..! سأرددها دائمـاً بإذن الله ..! وكثرة الذنوب من كثرة الأغاني الي تميت القلب ..! : (

تسلمِ على ردك

إقتباس فهد عاشق البرسا

هلا فهد

راشد المشكله ذابحني حزين وطرب وكلش وأنت مثل ما قلت الدنيا حلوه بس [ لو أفهمهـا وهي تفهمنـي ]

مشكوور على مرورك العطر

إقتباس الضحى

الله ينـور دربك ويسعدك في دنياك وآخرتك يا رب

أعتبرك مثل أمي الي ولدتني بالمنتدى على هالنصايح وربي كل كلمه أقراها من ردك أحس لها معاني كثيره .. تشعرك أن الناس بخير اذا فيها وحده مثلك تخاف على شبابنا وبناتنا

سأحاول قدر المستطاااع أني أقلل من سماع الأغاني

صراحه مدري وش أقول .. لكن اللسان يعجز عن شكرك وعن نصايحك الي قدمتيها لي بهالرد ..

أشكرك من كل قلبي

إقتباس marsal

الله يجزاك خير أخوي مرسال

ونصيحتك وردك على عيني وراسي وبصراحه كبرت بعيني والله بعد ردك هذا ونصيحتك لي

الله يسعدك ويوفقك يا رب

إقتباس .. M a N U t D ..

طـلاال والله العظيم ويشهد علي ربي أن أكثر واحد فرحت برده هو أنت يا طلال صحيح معرفتي بك قليله ولها فتره بسيطه لكن يعلم الله أن لك معزه بقلبي

بصراحه ردك من أفضل الردود الي قريتها .. لأنك فعلاً جبت نقطه بالصميم .. الي هي

إقتباس فكـر في مستقبلك .. و خل آعز آخويآك يكون دآفع لـك للأمآم ... وش تحب تكـون آذآ رجع بـ شهآدته ؟! معكـ .. شهآدتك .. و لآ وقتهآآ آنسآن ضآيع .. عآيش بـ متآهآت و دهآليز جآبت فيه العيـد ؟!

وربي كلام من ذهب وجبتها ع الجرح

وفعلاً أنا خليت سلطان خويي يطلع ع الموضوع وعطاني نصااايح إلى بكره .. وأهم نصيحه عطانياها هي ترك الاغاني .. أو التقليل منها .. لأنه هو فعلاً صادق يقول كلنا نسمع أغاني لكن موب كل وقت مثلك يا دحوم أنت 24 ساعه صبح ليل عصر مغرب في كل وقت .. وهو صدق بهالنقطه لانه أكثر واحد يعرفني .. وقد يكون يعرفني اكثر من أمي وأبوي صديق الطفوله

إقتباسك للمقال في مكانه .. وأنا ترى والله من شفت بعض الردود قد يظن البعض اني لست من المحافظين على الصلاة .. لا والله ..!

ولله الحمد صلاة الفجر ما تفوتني بالمسجد مع الجماعه .. وطبيعتي مع اهلي واخوياي مزوح وأحب أضحك والي بيشوف موضوع هذا مستحيل يكون الدحمي الي كاتبه ..! لأنه يعتقد أني أسعد إنسان بالدنيا لو بيشوفني معه لكن الي بقلبي ما أحب أكشفه للناس عشان ما أضيق صدورهم .. وعشان ما أخسر البعض منهم ..!


طـلال دمـت لـي صديق عزيز بقلبـي وأفتخـر بـ ذباتك علي بالملعب

آسف ع الإطاله

إقتباس أبو ميار

الشرف لي يابو ميار

وبصراحه العكس .. أنا الي مقصر مع خويي سلطان لكن بعد ما شاف هالموضوع عطاني نصايح وقال الصيفيه جايه لا تشيل هم بنطلع وبنسافر وبنفلها سوى وفعلاً مثل ما قلت هذي سنّة الحياة .. تفرق الأحباب .. أما لغرض الدراسه أو بعضهم أخذته المنيه .. أو أو أو إلخ ..!

الله يجزاك خير على مرورك

إقتباس مَاهِينُورْ

اللله يوفقك ويسعدك ويطول بعمرك يا رب والله ردك يخليني أشعر بشعور غريب .. أن فيه بنات أخوات لي لم تلدهن أمي .. ولكن أخوات في الله .. ينصحونك ويوجهونك وكأنهم بياخذون منك غرض ولا حاجه مهمه

بصراحه ردك أسعدني كثييير والله .. إستدلالاتك وإقتباساتك كلها أعجبتني وباخذها بعين الإعتبار إن شاء الله وبحاول قد ما اقدر أني أطبقها

بصراحه أكثر شي بشرح صدري هو دخولي للمسجد والله الذي لا اله الا هو اني اشعر بطمأنينه وراحه في البال لا يعلم بها الا هو .. ولكن ما إن أخرج من بيت الله الا وترجع لي الهموم والأحزان وكأني واضعاً هموم الدنيا والناس كلها على رأسي

سـ أحاول قدر المستطاع التقليل من سماع الأغاني بإذن الله ..!

وأنا قررت بعد مكالمتي بصديقي سلطان .. أني راح أرمي السيديات الي عندي بالسياره إن شاء الله .. لأن الي بيشوف السيديات الي عندي بيقول هذي سياره ابليس مو سيارة انسان يصلي ويصوم ويعبد ربه !!


الله يوفقك يا رب ويشرح لك صدرك ويسعدك مثل ما أسعدتيني بـ هذا الرد الرائع

دمتي للمنتدى فخراً

إقتباس كان هنا

دحووم ما أزيد على كلامك الي قلته ولا أزيد على كلامي الي قلته لك بالمسن

نصيحتك بآخذها بعين الإعتبار .. لأنها تعتبر من أحد أعز أصدقائي بالمنتدى

ونعم الصديق الي مثلك .. يفتخر الإنسان بإن صاحب شخص مثل عقلك ورزانتك ووعيك

دمت لي صديقاً ناصحـاً

الدحمي

إقتباس الغناطي

الله يجزاك خير على ردك

والمطاوعه والملتزمين ما يقصرون الله يجزاهم خير

وما تقصر يالغالي

أشكرك على ردك






أعتذر وبقوووه عن الإطاااله









][ دمتـم بـود ][