اللي يخلينا نقول ان الهلال كان يستحق الخروج من البطولة الاسيوية هو المستوى اللي ظهر فيه
بداية من دور المجموعات الى دور 16
كجماهير هلالية كنا نبلع المستوى اللي كان ظاهر فيه بدور المجموعات على أمل يتعدل الوضع ويعدي الأدوار الإقصائية
لكنه وصل لها بإردأ مستوى ظهر فيه الزعيم منذ سنوات لدرجة أن أم صلال كان مهاجميه يقومون بتأدية الواجب من هجمات مرتدة ولا يكملوها بالمرمى وكأن لسان حاله في مباراة الهلال يقول يالله سجل وخلصنا لكن حالة التوهان اللي كان فيها الفريق أعجب حالة شهدتها بنفسي على الهلال هي اللي كانت سائدة في المباراة
بالمختصر
إذا كان الهلال بيطلع من بطولة حتى لو مع فرق أقل مستوى أقل شي يجمل بالمستوى عشان نطلع واحنا رافعين رؤوسنا أننا حاولنا لكن الله ما كتبها لنا
لكن أنك تطلع بمستوى أقل من المستوى اللي يقدمه أضعف فريق في دور ثمن النهائي وعلى ملعب الملك فهد وبجماهير توديك للكأس مباشرة فهذي قمة القهر
بالنسبة لي كعاشق للزعيم حسيت أن لاعبين الفريق أعز أصدقائي وارتكبوا خطأ لا يغتفر ضدي وإلى الآن شايل على خاطري منهم ولا راح يرضيني منهم إلا مستوى ونتيجة الموسم واهداف غزيرة الموسم الجاي
وبالنهاية الله يصبرنا موسم ونص على بداية البطولة الآسيوية القادمة |