|
سوو لي الكيف وارهوا لي مـن الدلـه
البن الاشقـر يـداوي الـراس فنجالـه
|
كيـف ٍ لنـا نحرقـه بالنـار ونـزلـه
واليا انقطع لو ورى صنعاء عنينا له
|
البارح الليـل مـا غمضـت بـه كلـه
اراقـب الصبـح جالـس واتحـرا لـه
|
ابعث شريط ٍ مضـى واطويـه وافلـه
واقول مـن يحفـظ التاريـخ لاجيالـه
|
قل للعراقـي يفتـش جعبتـه قـل لـه
يلقى به شئ مـا يطـري علـى بالـه
|
الهـم والغـم والطـاعـون والعـلـه
حـق لحالـه كفايـه حـقـه لحـالـه
|
من صفعة ٍ ذاقهـا بانـت بهـا الخلـه
يذكر هزيمـة شهـر شعبـان وهلالـه
|
قام الثعـل يشتغـل ويشاغـل الشلـه
عزت وطـارق وعـد عـدي وامثالـه
|
يذبـح ويصلـخ يـده حمـرا ومبتلـه
شئ ٍ يخلـي جبيـن الحـر ينـدا لـه
|
يا ناس يا ويل مـن هـذا زعيـم ٍ لـه
الشعب فـي وضـع يؤسـف ويرثالـه
|
شعب ٍ شرب كره واكل كره ..كره ٍ لـه
يتفل علـى صورتـه ويـدوس تمثالـه
|
تبت يدا ابـو لهـب تـب ٍ وتـب ٍ لـه
واللي معـه بالحطـب للقـوم حمالـه
|
مقبل على طبخة ٍ بالحيـل تعمـل لـه
يؤخذ بها الثـار والثـوره تسـوى لـه
|
حتى نسيبـه ولـد خالـه تحيّـل لـه
لغم لـه الهيلوكبتـر وانشـدوا خالـه
|
الله مـا يهمـل الظالـم ويمهـل لــه
وان طال به عمر ٍ اخس شوي واردى له
|
الحكـم منهـار والاحــزاب منحـلـه
ما اخس مـن حالـة ٍ فيهـا ولا حالـه
|
من ردي حظه فأهل بيتـه يـزّول لـه
صـار الشجـر قـوم بعيونـه يورّالـه
|
من كثر ماهي تبيه يخـاف مـن ظلـه
ومن يعلم الغيب لـو عـدي قتّالـه !!
|
صدام انا بنشدك ويش انت حي ٍ له ؟؟!
مثلك بغبنه يموت وموتـه اشـوى لـه
|
ما عاد تملـك مـن السلطـه خبـر لله
خارج عـن السيطـره دولتـك منزالـه
|
جمّع عظامـك سـوات مجمـع الجلـه
واحرق بهـا مـا درى بغـداد برجالـه
|
الجيش يرزح تحـت ذلـه مـن الذلـه
والشعب مسكين تضحـك لـه وتغتالـه
|
وذاعتـك يـا سويـد الوجـه منشلـه
ما عنـدك الا يـا لالـه يـا لالا لا لـه
|
ايـه بالله اسمعـك زيــن ايــه بالله
ايه بالله واليا تبين عدو بنّا وحلنـا لـه
|
ما تدري ان نعقـد الحبـل ونحلـه ؟!
بالعسـر واليسـر حـلالـه وفتـالـه
|
انعسف الصعب ثم يجيك مزيـن ٍ دلـه
اديـب مـا يشتكـي عرقـوب جمالـه
|
مـا نقتنـع بالهجـاد نصبّـح الحلـه
مـع الغطاليـس رجلـيـه وخيـالـه
|
والـدار ماهيـب يـا صـدام محتـلـه
ما استعمرت عقب حكم العـود وعيالـه
|
واليوم عنهـا نسـن السيـف ونسلـه
من شط واخطا الطريق نصلح احوالـه
|
والفهد تخسا عنه ما انت بقبيـل ٍ لـه
وطـى برجلـه علـى غاربـك بنعالـه
|
ما انته بكفوه ولا شـرواك كفـو ٍ لـه
الفهد يكـرم عـن المشبـوه واشكالـه
|
الفهد عز العـرب والعُـرب عـز ٍ لـه
وكم دولة ٍ تستغيث المـال مـن مالـه
|
العـادل العـدل والاسـلام شـرع ٍ لـه
ولبيعـة المسلميـن البيعـه اولالــه
|
والا انـت مهـزوم لا مذهـب ولاملـه
مقطـع اربـع تطيـح بكـل محبـالـه
|
ممـا مظلـك تخـدع الشعـب وتظلـه
مفسد ويدعى عليك وفهد يدعـى لـه
|
وين انت ياللي له العـذرا تكحـل لـه
يقـوم لعيونهـا وتـشـوم لافعـالـه
|
من طيب ابوها تبا وصفـه حلـي ٍ لـه
يقلط علـى شوبـة البـارود وظلالـه
|
أبيـك فـي لازم ٍ قـدك وقــدٍ لــه
قمـر عربسـات يبـرالـك وتبـرالـه
|
أمر ٍ ضـروري وخلـك مستعـد ٍ لـه
ما انته مراسل تجي وتـروح برسالـه
|
عندك مهمـه وقلبـك مـا بـرد غلـه
جدول مسيرك تعـرف العـام مدهالـه
|
اركب على اللـي قنابلهـا مـن السلـه
بمكبرات الصـور فـي الجـو جوالـه
|
اخـذ المـدرج وتـل بريكـهـا تـلـه
واخفق بهـا خفقـة الكـدري لمقيالـه
|
انحر بها خاين النهريـن وافطـن لـه
لا ذكـر بالخيـر فـي حلـه وترحالـه
|
حـدد مكانـه بتلسكـوب وانـزل لـه
انـزل رويـدا رويـدا واكبـس الالـه
|
حربيـة ٍ عاديـه سـودا ً تسلـل لـه
تسللـت مـن جهـة عمّـان وجبالـه
|
جاته من الغرب عبر أجوا صديق ٍ لـه
تحمـل علـى متنهـا حزنـه وسلالـه
|
ترسم هدفها على الليـزر وترسـل لـه
اشارة الضبـط والمضـرب تهيـا لـه
|
مـا تحملـه ترفعـه متريـن وتهّـلـه
مع ذرة الشمس فـي قصـره تحمّالـه
|
تعطيـه ضربـه تـدك القبـو بالفلـه
والشـر فالـه وفــال الله ولا فـالـه
|
مـن شـدة الانفجـار أقـول بسـم الله
تهتـز الاهـواز والبصـره بزلـزالـه
|
في سبّع الارض تحفر لـه وتدفـن لـه
من تحت الانقاض والانقـاذ مـا شالـه
|
ياخذ سنه يلتهـب قبـوه كمـا الملـه
يذوب به صنقـل الساعـه وسلسالـه
|
ثم خل غيـره يشـوف ويعتبـر خلـه
واللـي يبـي مثلهـا بالحـال تثنالـه
|
الضعف ما حطه الطيّـب سبيـل ٍ لـه
قد قيـل مـن لا يعيـل تجيـه عيّالـه
|
المقدمه من ويكيبيديا
|
