وش مخطط عليه يا احمد .. تحترف التصوير مثلاً ؟ !!
وإلا بتعرس أخيرًا!
كل مشكلة أكيد لها حل. لكن هل الروتين مشكلة ؟ فيه ناس يعجبهم وضعهم .. موقفهم من الحياة ( خلّك على قردك، لا يجيك اللي أقرد منه ) .. وفيه ناس يبحثون عن التطوير باستمرار عشان ما يضمحلون في الاستراحات والبيوت ..
وفيه ناس يغير من أجل التغيير فقط لذلك ما تلقاه مبدع في شيء، لأنه أراد تجربة كل شيء.

أشوف إن مثل هالأمور لا يتم حلها بالهروب منها عزيزي yazeed، أعتقد أن امتلاك الإرادة القوية توصلك وين ما تبي. وقوة الإرادة هي هبة تزداد قوة كل ما ازدادت رغبتك في فعل شيء. فهل نحن نريد قتل الروتين دون أن نملك أي إرادة ورغبة بقتله؟ وإلا مجرد هموم متراكمة كان لزامًا أن تنزاح عن همومنا بأي وسيلة ولو لفترة، ثم بعدين نرجع لسالفة القرد مرة ثانية.
كثير ينبسط بالعيد فقط لأنه عمل تغيير بسيط في حياته. ما أدري، لكن أعتقد إننا نقدر نخلي كل يوم مثل هالعيد .. بس من عنده إرادة ؟! خصوصًا إذا نظرت حولك وما لقيت أي تشجيع!!!
بالرغم من كثرة العلوم والتقنيات والموارد والمصادر .. هل كان يفترض مع وجود هالكم الهائل من الأشياء .. بأن يكون هالعصر هو عصر الروتين ؟ المفروض لا .. بس الواقع غير! ما سلم أحد من الروتين! عشان كذا تلقى المسئول في بداية توليه المسئولية غالبًا يكون في قمة نشاطه وعطائه، ثم بعدين يمل من الروتين ويطفي، خصوصا إذا ما كان فيه علاوات أو مميزات تساعده وتحفزه على التجديد.
شكلي تفلسفلت واجد بس وش أسوي، روتين !!