موضوع رائع.. وفكره اكثر من ممتازه...تشكر عليها اخي جرح...
ماودكم اكتب عن الشاعر اسير الشوق..
بشارك مشاركه بسيطه مع الشاعر ذو التحفة الشعريه...
(دغيــم الضلماوي )..
قد لا يعرف الكثير الاسم..ولكن بالتأكيد تعرفون رائعته..
(ياكليب شب النار ياكليب شبه)..
دغيم من قبائل شمر..ممن اشتهر بالكرم الشديد والشهامه في وقت الامير محمد العبدالله الرشيد..
قال تلك القصيده الشهيره...
ياكليب شب النار ياكليب شبه عليك شبة والحطب لك يجابـي
وعلي أنا ياكليب هيله وحبه وعليك تقليـط الـدلال العذابـي
وادغث لها ياكليب من سمر جبه وشبة الي منه غفى كل هابـي
باغي ليا شبيتها ثـم قبـة تجلـب لنـا ربعـا سـراة غيابـي
بنسريةً ياكليب صلفا مهبه لاهـب نسناسـه تقـل سـم دابـي
سراة بليـل وناطحيـن مهبـه متكنفيـن وشوقهـم بالعذابـي
الوالمة ياكليب عجل بصبه والرزق عند اللي ينشى السحابـي
صبة لقرما صرفته ماحسبه يوم البخيل مكنهب الوجـة هابـي
وصبة لمنعورين ليا جاة نبة يرخص بعمره والدخل لها ضبابي
وعدة عن اللي مايداري المسبه اللي يدور بالقصيـر الغيابـي
عن الطيب عده نازلا له بغبه يضرب علي درب الخطا مايهابي
لا باطن الهلباج خطوا الجلبة يا حلو خبط عصيهـم بالركابـي
أطمر لهم وأبدي سلام المحبه لا جو على هجناً يديهم خرابـي
سلام أحلى من شخاليل جبه وأحلى من السمن الجديد العرابي
مع كبشً مصلاح راسه نجبه لا أدبـر الهيـن متيـن العلابـي
خطو الولد يوم الملاقي نكبه يأتي علينا من حسـاب الزهابـي
وحتى ايش لو يلبس وبينن وجبه معيرة على غضير الشبابـي
أنا لقيت الصبر يازين غبه يرقيك رؤوس مشمرخات الهضابي
من لاصبر ياكليب في حكم ربه هذاك يوم البعث ماله ثوابـي
يقولها اللي ما حسب المسبه ولا عرقل الاجواد ببعض الهلابي
هذا هوى بالي وهذا مطبه من قبـل مايسفـح علينـا الترابـي
لي عوده مع شاعر اخر بإذن الله..
