24/05/2009, 02:58 AM
|
| زعيــم فعــال | | تاريخ التسجيل: 13/04/2008 المكان: اللحين.؟قبال جهآزي :P
مشاركات: 388
| |
والله الوقت مايأهل اني ارد
والوقت متأخر وورانا دوامات
لكن موضوعك صراحه يجبر الواحد انه يرد وتوكلناا ع الله..
انا بعرف ليش اللحين الميكانيكي مانرضى على شغله
والخباز مانرضى على خبزه
والعسكري مانرضى على شغله
وكل ابو شي مسئول بالمجتمع مانرضى عليه.
وكل هالاشياء لأن الذمه مفقـوده عند الأغلبيه
بمجال الطب مثلاً
الأطباء اصبحت لهم مهنة وطريقة لكسب الرزق اكثر من ان تكون عملية انسانيه تحتاج لضمير.
المشكله مو على الطبيب لوحده ، الموضوع منضومه ونحتاج فيها للذمه
الوزير مايجي الا متأخر ولا مبالاه بالشكاوي والإقتراحات ومو بس كذا بما انها منضومه عمله الا ذمّي يأثر على من يندرج تحته يعني ، سكرتيره مايأدي عمله للوزير ، المسئولين تحته شرب من ترامس القهوه والشاهي وفصفه الجرايد لنهاية الدوام، ولميين يوصل هالمرض للطبيب انه يكون مو ذمي ويخلي شغله بس انه 8 ساعات يومياً والسلام يعني حتى لو شاف حادث يمكن انه مايساعده ولا يتدخل فيه
وبعد الطبيب الفني والممرضين ماراح يأدون عملهم لأن الدكتور زرع فيه الامبالاة وكلن صار يشتغل بس عشان وقت الدوام مو عشان حتى يأدي الواجب.
وحتى الربيعه يوم انه يقول يوم الثلاثاء خاص للمواطنين ، انا جربته وطلع ماعنده سالفه ولا يسعى لأي من شكاوي المواطنين
لو حضرت الذمّه عند كل مسئول لتغير الحال ، واصبح لكل واحد مهامه حتى لو كان يبحث عن الرزق ولاشي غير الرزق ، لو كانت هناك ذمه بأن المسئول يحاسب من لا يعمل والمخطئ لأصبح الطبيب يعمّل لكي ماينشات مع الباب  .
مابروح بعيد ، والدتي الله يطول بعمرها ، اتهموها بوجود السرطان بأحد اجزاء جسمها ، ويجب ان تكون العملية قبل 7 ايام وإلى ستحل بالخطر ، والله وكيلكم هالاسبوع صار اسبوع طوارئ الله لا يعيده 
وبعد تحويل لمستشفى التخصصي وموعد سريع سريع وسوو العملية اتضح لهم ان الجزء سليم ولا فيه اي شيء ، وبهالسبب توقفت امي عن الحمل.
ما اذكر تجاوبوا وزارة الصحةمعنا ، الا بشكوى ضد مستوصف اهلي ادعى انه حلل للخدامه بعد وصولها للسعوديه وهم لا حللوا ولاشيء ، والشكوى انتهت بغرامه 50 الف لوزارة الصحة و8 الاف للي مشتكي اللي هو ابوي ، وتسفير الدكتورة وعاملين المختبر ، وتم رفض المبلغ لأن بعد فترة لانالدكتورة لا تسفرت ولا شي.
وبعدها شكلهم طفشوا مننا قالوا زودوها كل شوي مشتكين .
وياكثر مشاكل الاطباء معنا ، احد الاطباء قبل عدة ايام من موعد محاكمته سافر لديرتة وشلون ما ادري ليه ما منعوه من السفر وهالموضوع حصل لي انا بنفسي
مشكور عتيبية ،، ويعطيك الف عافيه ومعليش ع الإطاله   |
