نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - يـ ما أروع العالمي .. بـ (خمسة) راح للنهائي

R D H · #15 22/05/2009, 04:33 AM

السلام عليكم ورحمة الله وبركاته

ألف مبروك للجميع هالتأهل المستحق ونتيجة المباراه كافية لتخويف الفريق اللي راح نقابله بالنهائي . إلا صحيح شسمه هو ؟

. ويعطيك العافيه يا أحمد

.. ماكان ناقصنا إلا وجودك والله العظيم .. ولا يهونوا من حضر ..

عصام

: أيش اقول وايش اخلي .. وجوده يعطي ثقه لي ولزملاءه .. ماشاء الله عليك ربي لا يضرك عليك قد .. خاصة في تشتيت الكوره .. وربي رحمت الكوره .. روحك عاليه جداً .. ودايم اقولك شجع اخوياك لأن رووحك انت غير ماشاء الله .. قلتلك وربي ارحم الكوره من رجلك بسم الله ماشاء الله .. .. ووجودك مهم .. يعطيك العافيه وماقصرت !

عبدالرحمن لورنس

..: ياخي أنت انسان مجرم .. وربي من مباراة المجلس وانا معجب فيك .. ظهير عصري بمعنى الكلمه .. تذكرني بألفيس .. ويكفي هدفك الفاول والعارضات اللي جت .. يعطيك العافيه وماقصرت !

صالح دل بيروو

: رغم أنك تلعب في غير خانتك .. إلا أنك كنت وبلا مجامله قد المسؤوليه وكنت مالي مركزك .. أبدعت كثير يالغالي وخلصت كثير من الكور الخطره .. يعطيك العافيه وماقصرت ..

نواف دنيدل

..: عآآآآلم ثاني قسسسم بالله .. لاعب عنده القدره أنه يخلي وسط الفريق المقابل بوادي .. والهجوم بوادي ثاني . لاعب يقدر يقطع المويه والكهربا عن هجوم الفريق الخصم .. بسم الله ماشاء الله عليك .. حقاً العالميه تمتلك الكثير .. دفاع بطل .. وقدامه واحد أبطل وأبطل اسمه نوااااف .. وحمدلله على سلامتك .. وتوصل القصيم بالسلامه .. الحضور من القصيم من أجل العالميه فهذا يعني الكثير .. يعطيك العافيه ماقصرت

عزوز

: إنهوووو رومااااااااااااااااااااااانة الفرررريق .. شخصية قياديه بسم الله ماشاء الله .. يوجه وينبه قبل واثناء المباراه .. يتقدم ويبني الهجمه ماشاء الله عليه .. نشوفه بالهجوم وبالوسط وبالدفاع .. يعطيك العافيه وماقصرت والله .. !

طلال مان يونايتد

: بسم الله ماشاء الله عليه .. صاروووخ على جهة اليسار .. نشاط مابعده نشاط .. يرجع مع الهجمه علينا .. ويتقدم مع هجمتنا .. مهآري درجة أولى .. وفي لقطه للحين ما أنساها . .يوم يشتت احد مدافعي الخصم الكوره للجهه اليسرى .. وتروح انت تلحقها قبل لاتطلع برا .. ويجي هو مطفي النووور وينبرش عليك .. وانت بحركه رووعه سحبت فيه وأكلته .. ماشاء الله عليك ربي لا يضرك .. يعطيك العافيه ..

حسوون

../ بصراحه أكثر مايعجبني فيك .. هي مناولاتك في عز الزحمه .. وكذلك مناولات الون تو يتقنها مع اللي معه بشكل مميز .. كنت مميز يالغالي وربي يعطيك العافيه ماقصرت والله ..

عبدالله اليكس

.. / لحظه خلوني احط هالفيس

.. وهالقلووووب

.. عبدالله كان متضايق ان مباراتنا ضد المجلس ماكان بمستواه .. وهذا صحيح فمستوى عبدالله خرافي واحسن من كذا بكثير .. لكن اليوم أثبت أن الكبير يمرض ولا يموت .. كان مسوي شغل جامد بنص الملعب .. واحرز الهدف الرابع للعالميه .. وانا واثق انه يمتلك المزيد المزيد ليقدمه .. صدق والله ماهي مجامله .. يعني فاولات مميز .. ومهارات .. وتسديد .. ماشاء الله عليك ويعطيك العافيه ..

عبدالرحمن المهايطي

/ هلا هلا والله .. يآلبا أبو طويله بس .. لاعب مايرحم داخل الصندوق .. لو جته الكوره ماعنده يمه ارحميني .. احرز هدف وكان رح يحرز الثاني لكن للاسف جت بالعارضه .. وغير كذا كان يرجع للوسط احيانا ويسوي الون تو مع حسون أو عبدالله .. بصراحه شغل جامد .. ويكفي انك قد هياطك .. يعطيك العافيه يالغالي ماقصرت ..

مساعد لهيب الشوق

../ تيجي ماتجيش انا كده كده راضي .. رغم انه كان احتياط ونزل بالشوط الثاني .. إلا انه يمتلك سرررعه وانطلاق رائعين بصراحه .. احرزت وكنت تستاهل لتتوج مجهودك الرائع .. ماقصرت يالغالي !

مشاري

../ ياخي من قال ان الكره بالجسم غلطان .. الكوره بالعقل وبس .. وهذا ما اثبته لنا مشاري .. ماشاء الله عليه .. مهارات .. ومسانده دفاعيه .. وفوق هذا كان يرجع يمسك العارضه بالركنيات :$ .. ماشاء الله عليك ربي لا يضرك .. ماقصرت والله

زيد هلالي بس مدريدي

/ هلا والله بولد رابطتنا .. ماقصرت يالغالي والله وكان ودي تسجل فرصتك اللي بالرأس لكن ماعليه تعوضها بغيرها ان شاء الله .. يعطيك العافيه ..

تركي مستر جول

/ جايب هالحلاوه منين ؟ . منين منين ؟ منين يالطيب ؟ .. ماشاء الله .. نفذ الخطه تبعته بحذافيرها وكان مفروض النتيجه 6 - 1 علشان تكون ظابطه .. وتركي مايرحم .. والعالميه ماترحم .. وله الحق يفخر بينا كما لنا الحق اننا نفخر بيه .. والفخر لينا كلنا لاننا عالميين ..

والشكر موصول للاحتياطين فيتا اي سي روما وكينج ميلان ومفرح وارسنال فوريفر

والشكر موصول أيضا للمشرفين اللي حضروا تورام وأبو حمد واسير الزعيم و ابو غامد وكل من حضر وشجع

وياليت ياشباب خاصة المقيمين في الرياض .. نتمنى انكم تحضروا في النهائي ..

يعني اللي يشوف الحضور من جهة فرق الجمهور وفريق المجلس .. كانوا كثار ماشاء الله

نتمنى العالميه يكون لها جمهور كبير بالنهائي وتوقف مع الفريق ..

منها تأزرون .. ومنها نشوف هالوجيه الطيبه ..

وبالنسبه للهدف اللي دخل فيني

.. فكان خارج عن إرادتي .. لأن اللاعب كان بلحاله وقريب جدا من المرمى .. وشات الكوره على طريقة ( ارض جو ) وخدعتني بصراحه .. شاتها بالارض ونزلت معها وبعدين ارتفعت وما لحقت اطلع معها وجت . الحمدلله على كل حال ..

إقتباس


	شباب وش يوزر الحارس في الشبكه ماشاءالله عليه بطل >>حجرلنا والمدافع الي اخذ الكابتنيه عيني عليه بارده

هلا بك يالغالي .. هاردلك الهزيمه

أكثر ماكان يميزكم هو تسديداتكم القويه .. عندكم لعيبه يشووتون ماشاء الله

بالنسبه لسؤالك فأنا هو الحارس ..

وبالنسبه للمدافع فيوزره ( نيمانيا فيديتش ) بالانجليزي ..

حياك يالغالي

إقتباس


	رقم 15 ( للاسف ما اعرف اسمه ) .. مجهود خورافي و لياقه عاليه ماشاء الله عليك

هلا خالد

رقم 15 هو اليكس 11 .. عبدالله

الأن .. ننسى هالمباراه .. ونفكر بالنهائي ..

يعطيكم العافيه جميعاً ..