وأرجع من للمستشفى ويمكن قطعت أكثر من 100كم .
ووصلت للمستشفى على الساعة 11 وأدخل للدكتور . وقالي الدكتور أمك بنصلّح لها عملية اللحين ولازم توقع على الورقة هذي
. قلت وش نوعها وعطاني نوعها وقال نسبة نجاحها بعد توفيق الله 50% . ولازم توقع إنك موافق .
أدق على أبوي ما يرد على خوالي ما أحد يرد وآخذ القرار وأوقع .
قلت يمكن أسلّم على أمي قال أمك في غيبوبة .
وأنا اللي أنهبل قلت ومتى تنتهي العملية قال الساعة 2 ونص الفجر بس فيه شيء مهم لازم تجيبون لنا ناس يتبرعون بالدم قلت اللحين ؟
قال مو شرط لأن عندنا كمية دم لكن لازم تعوضونها ببنك الدم !
قلت طيب أنا أشوف الموضوع قال خذ رقم الملف وأي واحد يتبرع يقول أنا أتبرع لرقم الملف هذا .
وأكلّم على واحد من الشباب في الرياض وكان ضابط .
وقلت له السالفة وقال اللحين أبرسل لك ناس يتبرعون ..

خويي الضابط قال للأفراد اللي عنده اللي يروح يتبرع اللحين يعتبر نفسه إنتهى دوامه .
وما صدقوا العالم وطلع أغلبهم وتبرّع .

وتقبلوا تحياتي .
متعب