ابــغــى أرووح للفــلبــين ..] .,
السلام عليكم ورحمة الله وبركاته 
ببداء بالموضوع على طول ..
اللحين ليش التعليم عندنا خايس كذآآ ا??
أول مره ادري ان حنا شعب فاشل ومايدري وش السالفه اجل هذي دراسه المدارس كلها تعليمها خايس
الا من رحم ربي كم مدرسه زينه .. بس لو بنقارن بغيرنا طلعنا ولا شي ..
اول شي حنا فاشلين فيه اللغه الأنجليزيه ابي اعرف بس كم ولد او بنت تخرجو من الثانويه عارفين كل قواعد الأنجليزي ويعرفون يبربرون مثل الفلبينين بتقولون الحين وش دخل الفلبينين بقولكم بعدين  ..
اللحين اغلب الطلاب اول مايتخرجون على طول ياخذون دورة انقلش عشان يقدرون يمشون بالجامعات
حنا من الأساس لو معودينا على تعليم مثل تعليم مصر كان طلعنا صح
:
**
مُدرستي امس كانت تشرح لي وخلصنا كذا درس قالت لي نكمل ولا نوقف قلت لها لا خلاص بكره نكمل
قالت انتم يالسعودين ماتتحملون شي انتي لو شايفه آزاي التدريس بمصر بتعملي أيه
قلت : آزاي أعمل آيه وانا نأصه ياختي 
تدرون شلون مناهجهم تقول من التمهيدي الى رابع يدرسون انقلش ومن رابع الى سادس اتوقع قالت الماني
المتوسط فرنسي وبعدين ثالث متوسط اسئلة رئاسه وبعدين عاد تبدا التخصصات ادبي ولا علمي ولا تجاره ومدري وشو ..
ايه هذي الناس اللي فاهمه  مو حنا من سادس انقلش وماعرفو بعد يعلمون 
**
اذكر مدرسة بنت عمي تقول قسم ان مدرسة الأنقلش ماشوفها االا نهاية كل ترم تجي تعطينا ثلاث اوراق تقول احفظوها حفظ وخلصنا ...!
واللحين ماتدبر شي ابد صارت تحفظ حفظ ..!
**
قبل يومين كنت جالسه بصالة الأنتظار بالمستشفى وكان فيه فلبيني عمره 6 سنوات قلت بشوف لغتي هي زينه ولا لا انصدمت اعرف اسأل بس ماعرف اجاوب 
لا وبعد نص الكلام اللي قلته يوم راجعته بالبيت طلع خطاء شكله ياخذ كلمه ويفسرها
ولا اللحين فيه ناس تعرف تتكلم وماتعرف تكتب وفيه ناس تعرف تكتب بس ماتعرف تكلم ..!
هذا دليل ان تعليمنا مثل ماقلت الله يخلف .. محدثتكم من النوع الأول اعرف احتسي بس ماعرف اكتب يعني ماارح اكتب لكم بالأنقلش بكتب بالعربي واحمدو ربكم 
عرفت ان ام سايمون ممرضه تشتغل بالمستشفى وهو جالس بصالة الأنتظار
دار بيني وبين الطخمه سايمون هالحوار
رند: هالو (مرحبا)
سايمون :هاي (أهلن )
رند :هاو آر يو ؟( كيف حالك )
سايمون :فاين ( بخير )
رنـد :دو يو سبيك انقلش ؟ (هل تتحدث الأنقلش )
سايمون :ييس (نعم )
رند :وات إيز يور نايم ؟( ماأسمك)
سآيمون
رند :قود آي لايك إيت فري ( جيد يعجبني كثيرآ )
سايمون :ثآآنكيو
رند:هاو اولد ار يو ؟ ( كم عمرك )
سايمون :أييم سكس (عمري 6)
رند:قود
رند:يو هابي سكول ؟ ؟
سايمون :ييس (وقال كلمه ماذكرها بس معناها ان معدله مره عالي ) فيينش سكول تيوزداي ..(خلصنا دراسه الثلاثاء)
رنـد: قود يو ( انت جيد )
سألني كذا مره واهز براسي على اني ماني فاهمه ولا كلمه
سكتنا شوي وكان الجو وقتها جنان .
سايمون :إيتز آي بيوتفول ويذر ( الطقس جميل )
رند :ييس قود (نعم جيد )
رنــد : يو لاف سأودي اريبيا ؟
سايمون : نو  <<صريحين ماعندهم لف ودوران
رنـــد : وآآآآي وآآي وآآآي
سايمون :أي دونت لايك آت (لا تعجبني )
رنـد : سترانج (غريب ) <<حسيت اني ماعندي سالفه
سايمون : دو يو لاف مي ؟
رنــد : يييس آي لاف يو : 
سايمون : أي لاف يو تو
بهالوقت الزيين اتصلت علي امي
مامي : الو
انا : هايات
مامي : يالله انزلي تحت لأن الدكتوره مستاذنه اليوم .
انا : ذيس از امبوسيبل ( هذا مستحيل ) <<استرسلت ( (لأأنها اعتذرت المره اللي راحت )
مامي : الله يخلف بس طرراخ ..
نعود لسايمون
انا :آي هاف تو قو ( علي الذهاب )
سايمون : آيتز آي بلقر تو نوو يو ( اني سعيد بمعرفتك )
انا : آي تو ( انا ايضآ )
رند : قود بآي
سايمون : بآآي
ملاحظه ..
ترى فيه اخطاء كثيره بالمحادثه اللي كاتبته انا بس هذا اللي انا عارفته
ومن يوم يومها وانا ابغى اروح للمستشفى مع امي عشان اشوف سايمون << يمديكم بس
من هالمحادثه وانا غاسلتن يدي من تعليمنا اجل واحد عمره ست سنوات يسألني وماعرف اجاوب ماشالله عليهم وحنا ست سنوات وندخلهم المدرسه وهم يصيحوون صياح مايبون مييير يامال اللي مانيب قايله صيرو زي سايمون ..
ايه استأذنت منه قلت بصورك قال اوكي قلت ترى بحط صورتك بالمجلس العام ضحك مايدري وشو المجلس العام ..
هذي صورة الطخمه سايمون ياحبيله :
كتبت هالموضوع من دون مراجعته أي خطاء سووري
:
اخر تعديل كان بواسطة » رنـــــد في يوم » 18/05/2009 عند الساعة » 04:16 PM | 